Districtos d'Alemanya
Os destrictos d'Alemanya (en alemán Kreis, plural Kreise) son un tipo d'unidat administrativa d'Alemanya. Bi'n ha 401 y tienen un ran intermeyo entre os Länder (estatos federatos) y os rans locals/municipals. No s'ha de confundir con o Regierungsbezirk (Rechión administrativa), que ye un atro tipo de districto.
Tipos de districtosEditar
A mayoría de districtos (294) son rurals, Landkreise. As ciudatz con mas de 100.000 habitants (fueras de en bells estatos) no perteneixen a garra districto sino que asumen ellas mesmas tals responsabilidatz formando un destricto independient. Aquests són els districtos urbans (Kreisfreie Städte / Stadtkreise). En 2020 se'n podeban contar 107 d'istas, formando un total de 401 districtos. En a Renania d'o Norte-Westfalia bi ha bellas ciudatz con mas de 100.000 habitants que no forman districtos urbans, como Iserlohn, Recklinghausen, Siegen, Paderborn, Bergisch Gladbach, Witten y Neuss.
ResponsabilidatzEditar
Os districtos son responsables de:
- Seguntes as leis federals y rechionals:
- construcción y mantenimiento de carreteras de tipo B
- atros plans de construcción que comprendan mas d'una autoridat local
- mantenimiento d'os parques naturals
- bienestar social
- bienestar d'a choventut
- construcción y mantenimiento d'hespitals
- construcción y mantenimiento d'institutos d'educación secundaria
- cullita de vasueras
- matriculación d'autos
- elección d'o Landrat u Landrätin, o dirichent d'o districto.
- Seguntes as leis rechionals: (diferent en cada rechión)
- refirme financiero a la cultura
- construcción de zonas de piatons y carrils beci
- refirme economico ta intercambeos academicos
- construcción y mantenimiento de bibliotecas publicas
- revitalización d'a economía
- fomento d'o turismo
- chestión d'as Volkshochschulen (escuelas estatals d'educación t'adultos)
Todas istas fainas son feitas por as autoridatz locals (municipals) en acción conchunta. Os districtos urbans tienen todas istas responsabilidatz asinas como tamién os municipals.
Parlamento d'o districtoEditar
O parlamento d'o districto, o Kreistag, ye l'organ lechislativo d'o districto y ye o responsable de l'administración propia local. O parlamento ye trigato dreitament cada cinco anyos, fueras de Baviera, a on se triga cada seis anyos, y en Schleswig-Holstein, a on se fa cada quatre.