Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un Regierungsbezirk (por un regular traduciu como Rechión Administrativa) ye una rechión administrativa-gubernamental d'Alemanya, una subdivisión de bels estaus federaus. Os Regierungsbezirke se dividen a la vegada en districtos (Kreise) que pueden estar urbans u rurals (Landkreise). O Regierungsbezirk ye gubernau por un Bezirksregierung dirichiu por o Regierungspräsident.

No toz os Bundesländer (estaus federals) disposan d'ista subdivisión; beluns, son dreitament dividius en districtos. Actualment, cuatre estaus se dividen en 19 Regierungsbezirke, con una población que oscila entre os 5.255.000 hab. de Düsseldorf a os 1.065.000 de Gießen:

Baden-Wurtemberg Baden-Wurtemberg: Friburgo, Karlsruhe, Stuttgart, Tubinga

Bavera Bavera: Alta Bavera, Baixa Bavera, Alta Franconia, Franconia Central, Baixa Franconia, Alto Palatinato, Suabia

Hessen Hesse: Darmstadt, Gießen, Kassel

Renania d'o Norte-Westfalia Renania d'o Norte-Westfalia: Arnsberg, Colonia, Detmold, Düsseldorf, Münster

Historia editar

Os primers Regierungsbezirke fuoron creyaus por o Reino de Prusia, en 1815/16, que dividió as suyas provincias en 25 Regierungsbezirke. Os de Renania d'o Norte-Westfalia son a continación dreita d'os creyaus en 1815. Atros estaus de l'Imperio Alemán creyoron entidaz parellanas, ditas Kreishauptmannschaft (en Saxonia) u Kreis (en Bavera y en Wurtemberg) (no han d'entivocar-se con os Kreis u Landkreis de hue en día). Mientres o Tercer Reich, o gubierno nazi unificó os nombres, pasando toz a decir-se Regierungsbezirk.

L'1 de chinero de 2000, Renania-Palatinato disolvió os suyos tres Regierungsbezirke de Coblenza, Rheinhessen-Pfalz y Trier - as funcions y os treballadors d'os tres Regierungsbezirke se repartioron en tres nuevas institucions con funcions en tot o estato.

L'1 de chinero de 2001, Saxonia-Anhalt disolvió os suyos tres Regierungsbezirke de Dessau, Halle y Magdeburgo - as funcions pasoron a mans d'un Landesverwaltungsamt que mantiene oficinas en o mesmo puesto que as antigas Bezirksregierungen.

L'1 de chinero de 2005, Baixa Saxonia disolvió os suyos cuatre Regierungsbezirke de Brunswick, Hannover, Lüneburg y Weser-Ems.

L'1 d'agosto de 2008, Saxonia también disolvió os suyos tres Regierungsbecirke de Chemniz, Dresde y Leipcig.

En Renania d'o Norte-Westfalia bi ha plans de disolver tamién os suyos 5 Regierungsbezirke y creyar 3 entidaz auto-gubernadas. Os antigos Regierungsbezirke a o estilo prusiano no tienen organs auto-gubernaus.


Rechions d'Alemanya  
Alta Bavera | Alta Franconia | Alto Palatinato | Arnsberg | Baixa Bavera | Baixa Franconia | Colonia | Darmstadt | Detmold | Düsseldorf | Franconia Meya | Friburgo | Gießen | Karlsruhe | Kassel | Münster | Stuttgart | Suabia | Tubinga