Desire (cinta de 1936)
- Iste articlo ye sobre una cinta de cine estausunidense de cine de comedia romantica y policiaca; ta atros usos, se veiga Desire y Desire (cinta).
Desire (títol orichinal en anglés, en aragonés Deseyo, enguerada en Aragón con o suyo titol traduciu enta lo castellano como Deseo) ye una cinta de cine de comedia romantica y policiaca enguerada l'anyo 1936, dirichida por Frank Borzage seguntes un guión adaptau por Edwin Justus Mayer, Waldemar Young y Samuel Hoffenstein (basau en una historia de Hans Székely y Robert A. Stemmle), con una banda sonora orichinal de Frederick Hollander, una dircción de fotografía de Charles Lang y Victor Milner, una producción cinematografica de Frank Borzage y Ernst Lubitsch ta la productora cinematografica Paramount Pictures y un elenco composau por Marlene Dietrich, Gary Cooper, John Halliday, William Frawley, Ernest Cossart, Akim Tamiroff, Alan Mowbray y Zeffie Tilbury, entre d'atros actors.
Madeleine de Beaupré ye una emplumadora que ha conseguiu enganyuzar a un choyero de París ta levar-se un valuroso collar de perlas y fuye en o suyo automóbil enta Espanya. D'atra man, Tom Bradley ye un incheniero estausunidense que tamién treballa en París y a qui la suya empresa li ha concediu quince días de vacanzas, que ha deidiu pasar en Espanya. Toz dos coinciden en o camín por una avería de l'auto de Madeleine y Tom s'intresa bien luego por ella, encara que ella lo refusa. Cuan tornan a coindidir en a duana, en veyer que rechistran a los viacheros, Madeleine amaga lo collar en a buchaca d'a chupa de Tom, y en trescuzar a muga li roba l'auto y fuye, creyendo que en l'auto ye la chupa con a choya. Pero cuan plega en Sant Sabastián descubre que Tom heba cambiau de chupa y lo collar no ye en l'auto. Tom denuncia a la Policía espanyola lo robo de l'auto y tot apunta a que l'autora ye Madeleine, qui se fa pasar por una noble rusa acompanyada de su tío, Carlos, qui en realidat ye lo suyo complice. Cuan compreban que Tom no sabe que leva lo collar, Carlos l'indemniza por o robo de l'auto ta preber de recuperar a choya, y finalment consigue apropiar-se'n. Tanimientres, poquet a poquet Madeleine se ye enamorando de Tom, y finalment prencipian a festechar, con a cual cosa Madeleine decide recuperar o collar en mans de Carlos ta tornar-lo a lo choyero a qui l'heba robau.
Desire s'ambienta en a suya epoca actual (1936) en París y Sant Sabastián y las suyas escenas se filmoron en Sant Sabastián en Espanya, en Francia y en o rancho Iverson en Los Angeles en Estaus Unius, amás d'en os Paramount Studios en Los Angeles.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ (en) Enguero de Desire en Internet Movie Database.
- ↑ (en) Localizacions de Desire en Internet Movie Database.
- ↑ (en) Desire en Internet Movie Database.
Vinclos externos
editar
Datos: Q2071375
Multimedia: Desire (1936 film) / Q2071375
