CarlesVA

Consello

Hola CarlesVA, bienveniu. T'aconsello de descargar-te lo DORTO aquí en .pdf, ta resolver dubdas ortograficas, como la diferencia entre medecina ("medicamento" en castellano) y "medicina" (a ciencia medica). Para cuenta que no ye encara adaptau a la grafía oficial, pero las diferencias son minimas. Salut, Lazaro d'Aragón (descusión) 09:52 8 chun 2023 (UTC)

Hola, @Lazaro d'Aragón, gracias. Lo consultaré, mas seguntes la Biquipedia, la ciencia ye la Medecina, y dimpués bi ha as melecinas o merecinas... bi ha una incoherencia evident entre la Biquipedia y lo DORTO, y a primeras pareix más lochico emplegar las formas emplegatas por la Biquipedia. --CarlesVA (descusión) 19:21 8 chun 2023 (UTC)

Pos no. Lo correcto ye fer servir o DORTO, si bi ha discrepancias lo que cal ye cambiar ixos articlos ta que se i reculla lo que diz o DORTO, como se fa en toz os casos y como se ye cambiando la grafía articlo por articlo en toda la Biquipedia. D'atra man, ye millor responder a un usuario en a suya pachina de discusión, d'atra manera puet estar que no sepa que se li ha respondiu. Salut, Lazaro d'Aragón (descusión) 19:27 8 chun 2023 (UTC)

D'acordes, @Lazaro d'Aragón, en prengo nota.

Antiparti, no bi ha necesidat de responder en la pachina de l'atra persona. Lo normal en las viquis ye mantener os dialogos en la pachina de discusión aón iste ha comenzipiau, pa no perder-ne o filo. Bi ha mecanismos pa clamar a l'atra parte (u atras partes) y avisar-la(s), como he feito yo. CarlesVA (descusión) 19:50 8 chun 2023 (UTC)

Medecina > medicina (sciencia)

Ola Carles! Sí, efectivament DORTO ye a obra de referencia y efectivament os tuyos cambeos yeran correctos, ha estau una error mía en veyer que l'articlo principal sobre a ciencia se deciba "Medecina", no he parau cuenta de que a forma correcta yera con "i". Lazaro ya ha tornau a restaurar os tuyos cambeos y amás hemos tresladau articlo y categoría correctament a Medicina y Categoría:Medicina (ciencia) y Medecina (farmaco). Nomás una atra cosa, encara que DORTO sí ye a obra de referencia, cal parar cuenta que dende fa bellas semanas tenemos nueva ortografía en Wikipedia (Wikipedia:Ortografía consensuada), aprebada por l'Academia Aragonesa d'a Luenga y que ye a oficial en Aragón. Por ixo ye posible que i haiga termins en DORTO que sigan en a ortografía antiga ("sciencia" por eixemplo agora ye "ciencia"). Apareixerá en o futuro una nueva versión de DORTO en a grafía AAL. Salut y perdón por as reversions! --Willtron (descusión) 10:05 21 chun 2023 (UTC)

Hola, Carles, ya hei visto lo que s'escaiciba y ya hei avisau a Will, y hei revertiu os cambios, menos un u dos a on no yera correcto lo cambio, que la palabra feba referencia a medicamento. Y muitas gracias por o treballo que has feito, como puez veyer tenemos muitismo treballo ta fer en triple sentiu: adaptar contenius a lo DORTO, cambiar grafía enta la nueva y fer nuevos articlos u enamplar los existents. Y para cuenta que no siempre somos conscients d'a palabra correcta en o DORTO, porque bi ha muitos cambios sobre la situación anterior a on no existiba garra diccionario y son cambios que afectan a muitos articlos. Poquet a poquet se fa lo camín, gracias una atra vegada, —Lazaro d'Aragón (descusión) 10:31 21 chun 2023 (UTC)

Ta mas ferramientas, tiens o conchugador de verbos en linia en SoftAragonés, que fa prou honra ta conchugar verbos. Nomás cal que meter un verbo en infinitivo y amuestra la suya conchugación completa. Salut, —Lazaro d'Aragón (descusión) 10:39 21 chun 2023 (UTC)

Gracias, @Willtron y @Lazaro d'Aragón, por os consellos, que seguiré, y as aclaracions. CarlesVA (descusión) 07:33 22 chun 2023 (UTC)