Desafiamiento de Bordeus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo Desafiamiento de Bordeus estió un desafiamiento lanzato por Carlos I d'Anchú a lo rei Pero lo Gran d'Aragón en lo que s'heba de fer un torneyo entre caballers de lo reino de Francia y caballers de la Corona d'Aragón en lo que se chugarían los suyos reinos. Este torneyo s'heba de celebrar l'1 de chunio de 1283 en Bordeus, que en ixas envueltas dependeba d'Anglaterra.
En lo contexto de la Conquiesta de Sicilia por part de Pero lo Gran, lo suyo rival Carlos I d'Anchú, una vegata vencito, emplegó la suya influencia con lo Papa Martín IV pa que denunciase a lo rei aragonés por furtar-li lo reino de Sicilia.
A part d'este feito Carlos d'Anchú desafió a Pero a celebrar un torneyo en la tierra neutral de Bordeus, alavez en mans d'Anglaterra, de 100 caballers franceses contra 100 caballers de la Corona d'Aragón, en lo que se chugarían los suyos reinos. Dios daría la victoria a lo mes chusto, y castigaría a lo dolento. Pero aceptó lo desafiamiento navegando dica lo Reino de Valencia y desembarcando en Cullera, En Valencia preparó lo suyo paso ta Bordeus. Lo acompanyarían lo valenciano-aragonés Blasco d'Alagón, lo valenciano Conrad Llança, Bernat de Peratallada y Domingo de la Figuera, un mercader de caballos naixito de Zaragoza u Calatayú.
Pero lo Gran se disfrazó de criato y pasó la muga, plegando ta Bordeus on s'idenfiticó debant de las autoridaz locals probando que heba cumplito lo compromís, cosa que no heba feito Carlos I d'Anchú, ya que no s'heba movito de Nápols.
Curiosidaz
editarDe toz estos feitos, en charra un texto en aragonés medieval, a traducción aragonesa de la Cronica de Bernat Desclot.
Tamién se'n charra en la Cronica de Sant Chuan d'a Penya, capítol XXXVI:
Datos: Q3572023
