Dance

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un dance ye una representación teatral popular con dialogos y bailes que s'intercalan. Ye exclusivo d'Aragón, encara que bella d'as suyas partis se troban en redoladas amanadas. Tenió lo suyo apocheu en o sieglo XVIII y dende alavez ha iu esmortecendo-se y desapareixendo de muitos lugars (manimenos s'ha recuperau en cualques d'ells).

O palotiau d'o dance de Sant Chusé.

Se scenifica al raso y l'obchectivo ye celebrar a festividat d'un Santo patrón en una especie de pacto pa recibir a suya protección y que ye esviellau cada anyo.

Partis mas habituals d'un dance

• pastorada: ye un dialogo entre pastors, per un regular entre un mairal y un repatán.
• soldadesca: ye la luita entre moros (u turcos) y cristianos, u entre lo Diaple y l'Anchel.
• alabanzas: son peticions d'os danzaires a lo Santo.
• bailes u palotiaus: os intrumentos mas usuals emplegaus son: gaita de boto, donzaina, tambor, trompa de Ribagorza, chiflo, chicotén, encara que tamién s'emplegan o vriolín, cordión u clarinet.
• mochiganga: ye un repaso satirico per parti d'o repatán d'os esdevenimientos mas destacaus ocurrius en o lugar mientres ixe anyo.

Personaches mas habituals d'un dance

• mairal, caporal d'os pastors.
• repatán, pastor choven.
• danzaires.
• diaple.
• anchel.

Vinclos externos

• Se veigan as imáchens de Commons sobre Dance.

• Datos: Q16555170
• Multimedia: Danze / Q16555170