Culto Politeísta Hispano-Romano
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo Culto Politeísta Hispano-Romano (C.P.H.R.) ye una confesión relichiosa actual, que tien como fin practicar un culto a los dioses veneratos en l'antiga Hispania romana. Esta restauración de lo CVLTVS DEORVM en lo contexto de la Peninsula Iberica, preba d'estar fidel de tot a los conceptos principals de la relichión politeista de los antigos practicants hispanorromanos, encara que s'ha adaptato en las trazas a la legalidat y sensibilidat social vichents en Espanya, como cualsiquier atra confesión.
Representa la versión espanyola d'uns movimientos reconstruccionistas relichiosos muito minoritarios que miran de tornar ta las radices politeístas europeas (ditas "paganas" por los cristianos en plan despectivo).
Estos movimientos amaneixioron en lo sieglo XIX en los países de lo norte y ueste d'Europa, mirando las tradicions celta y chermana, convertindo-se en los asatrus u odinistas y los neodruidistas, estando discutible que lo neodruidismo siga una reconstrucción de lo druidismo historico. Fa unas decadas lo movimiento reconstruccionista de lo politeismo plegó ta los países balticos, eslaus y países europeus mediterranios como Grecia (relichión neo-olimpica) y Italia.
Lo C.P.H.R. s'identifica mes que mes con lo politeismo europeu mediterranio de Grecia y Roma, pero mira de recuperar la relichión sincretica que hi habió en la peninsula iberica y sud de Francia entre la relichión romana y las relichions de los pueblos prerromanos que conoixioron los romanos y se romanizoron (pueblos celtas, pueblos indoeuropeus no celtas u sorotapticos, pueblos ibers, pueblos basco-aquitanos).
Paradochicament lo politeismo que promueve lo C.P.H.R. encara no ha motivato a la mayor part de los reconstruccionistas de lo politeísmo que bi ha en Espanya, que conoixen millor la relichión odinista u bellas formas de neodruidismo, que ye ta on s'advocan.
Cultistas ilustres editar
José Luis Valentín Argomaniz, artista creyador de mosaicos romanos