Costa Occidental de Cantabria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Costa Occidental de Cantabria ye una d'as comarca de Cantabria. Tien un caracter urbán y ye de tendencia turistica. Como lo suyo propio nombre indica, ista comarca s'extendilla por o litoral de l'ueste d'a comunidat autonoma, dende a muga con o Asturias, en a desembocadura d'o río Deva, dica lo municipio de Santillana del Mar; encara que istas mugas pueden variar seguntes a fuent, ya que ista comarca, como a resta de las de Cantabria, no ye regulata pero poseye bels elementos caracteristicos comuns a toz os municipios que la forman. Ista zona conta con grans activos turisticos como son a placha, naturaleza, gastronomía y cultura.

Costa Occidental de Cantabria
Comarca de Cantabria

Puent de San Vicente de la Barquera
Capital
 •Municipios
San Vicente de la Barquera
8
Entidat
 •País
Comarca
 Cantabria
Superficie
 •Total

317,84 km²
Población
 •Total
 •Densidat

20.192 hab.
63,52 hab./km²

Mapa de situación en Cantabria

D'os municipios que la forman, son Santillana del Mar, Comillas y San Vicente de la Barquera los que mas renombre tienen y por tanto son os prencipals destins turisticos, tanto en a comarca como en Cantabria. En a comarca occidental desauguan dos d'os ríos mas luengos de Cantabria: o Deva y o Nansa amás d'o río Escudo. Amás d'as numerosas plachas, podemos trobar o Parque natural d'Oyambre y la Montanya Corona. Como s'ha dito, destaca la cultura en a zona, ya que en bels poquez kilometros se concentran a Cueva y Museu d'Altamira, o Zoolochico y Chardín Botanico, a Colechiata en Santillana del Mar. Y en Comillas se troba o Palacio de Sobrellano, a Universidat Pontificia de Comillas (actualment recuperando-se o Campus Comillas) y o Capricho de Gaudí. L'occident cantabro ye una comarca mas que mas turistica que, a lo contrario que l'orient, s'ha mantenito sin construcción masiva debito a la tardanza en a construcción de l'Autovía d'o Cantabrico.

A población total d'a comarca ye de 20.192 habitants, seguntes datos de l'INE de l'anyo 2006 (se veiga la tabla). Seguntes os datos d'o mesmo anyo, os suyos tres nuclios mas poblatos, de mayor a menor, son: San Vicente de la Barquera (4.491), Santillana del Mar (3.983) y Val de San Vicente (2.670). Y os suyos tres nuclios menos poblatos, de menor a mayor, són: Ruiloba (762), Udías (843) y Valdáliga (2.414). A tamas de que ya existe una lei de comarcalización de Cantabria, ista encara no ha estau desembolicata por tanto a comarca no tien entidat oficial[1]

Referencias

editar
  1. Lei 8/1999, de 28 d'abril, de comarcas d'a Comunidat Autonoma de Cantabria [1]



 
Comarcas de Cantabria
 
Asón-Agüera · Besaya · Campoo-Los Valles · Costa Oriental · Costa Occidental · Liébana · Saja-Nansa · Santander · Trasmiera · Vals Pasiegas