Costa Oriental de Cantabria

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A Comarca d'a Costa Oriental ye una comarca de Cantabria. Ye de tendencia urbana y turistica, y s'estendilla dende Colindres dica la muga con Bizcaya (País Basco), plegando por o sud dica las montanyas prelitorals. En fan parti os municipios de Colindres, Laredo, Liendo y Castro Urdiales. En istos quatre municipios a presión demografica ye muit gran y ye una d'as comarcas a on que más turismo se concentra en verano debito a lo gran numero de plachas que tien.

Costa Oriental de Cantabria
Comarca de Cantabria
Placha d'o Regatón de Laredo
Capital  •Municipios	Laredo 4
Entidat  •País	Comarca  Cantabria
Superficie  •Total	142,26 km²
Población  •Total  •Densidat	50.124 hab. 352,34 hab./km²
Mapa de situación en Cantabria

Ye una comarca con un gran numero de población procedent d'o País Basco y que ye sin d'empadronar en a zona de Cantabria por un regular, concretament de Bizcaya y más exactament Bilbau y poblacions d'a suya redolada. Ya que os pres y más que más los d'as casas, son más baratos que en Bizcaya y en quasi 30 menutos se puet estar dentrando en Bilbau salindo dende o punto más luengo que ye Colindres, a traviés de l'Autovía d'o Cantabrico. Totz istos factors fan que a vida s'haiga encareixito a-saber-lo en os zaguers anyos ta la chent que tien treballos con os convenios laborals cantabros, lo que unito a la reconversión industrial que bi habió en zaguerías d'os anyos 1980 en la zona, fa que as presonas naixitas y criatas en ista comarca sían emigrando a atras comarcas d'interior u a altras rechions. A población total d'a comarca plega a la zifra de 50.124 habitants, seguntes datos de l'INE de l'anyo 2006 (se veiga tabla). Seguntes os datos d'o mesmo anyo, os suyos tres municipios más poblatos, de mayor a menor, son: Castro Urdiales (28.542), Laredo (13.115) y Colindres (7.235); estando lo suyo municipio menos poblato Liendo (1.099).