Campoo-Los Valles

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Campoo-Los Valles (prenunciato /kam'po los 'baʎes/, en aragonés literalment Campoo-As Vals) ye una comarca de Cantabria situata en l'alto Ebro d'una superficie de poco mas de 1.000 km². A tuca mas alta ye o pico Cuchillón (2.225 m), y o punto mas baixo en Pesquera (560 m), estando Reinosa a 850 m.

Campoo-Los Valles
Comarca de Cantabria
Cantón norte de Tres Mares y Peña Labra. A lo fundo, os Picos d'Europa.
Capital  •Municipios	Reinosa 11
Entidat  •País	Comarca  Cantabria
Superficie  •Total	1012,09 km²
Población  •Total  •Densidat	20.520 hab. 20,27 hab./km²
Mapa de situación en Cantabria

Orichinariament, seguntes se reculle en o Libro d'as Merindaz de Castiella u Becerro de las Behetrías de Castilla (d'alto u baixo 1352), a Merindat d'Aguilar de Campoo yera formata tanto por municipios d'o sud de l'actual Cantabria, como d'o norte d'a provincia de Palencia y de Burgos, estando a capital a hue palentina Aguilar de Campoo, antiga capital d'o amplo marquesau d'Aguilar de Campoo. Dimpués, a capitalidat se tresladó a Reinosa, ciudat que contina tenendo ista condición. O "Campoo palentino" quedó dimpués d'a división provincial de meyatos d'o sieglo XIX con Aguilar como población mas important, y englobata actualment en l'ampla comarca d'a Montanya Palentina. A tamas que ya existe una lei de comarcalización de Cantabria ista encara no ha estata desembolicata, por tanto a comarca no tien encara entidat oficial.

Parla

Encara que Campoo ye considerata una d'as zonas d'orichen d'o castellano a parla campurriana tien influencias astur-leyonesas, por efecto de l'a muga progresiva entre as dos luengas. D'esta traza as vocals finals -y y -o se cierran en -u y -i: hielo, untu, ellu, arti, mesmamenti. Se mantién o grupo -mb- en bellas palabras lamber, y se produce l'apocope d'as terceras personas singulars cuan rematan en -y: tien, vien, haz en cuenta de tiene, viene y hace.