Corz de Monzón (1585)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Corz de Monzón 1585 | ||||
|---|---|---|---|---|
| ||||
| Monzón y Binéfar | ||||
| Información cheneral | ||||
| Ciudat |  Monzón Binéfar
| |||
| Monarca | Felipe I d'Aragón | |||
| Principals temas | ||||
| - O prencipe Felipe nombrau succesor. | ||||
| Corz Chenerals | ||||
| Anteriors | Posteriors | |||
| Monzón 1563-1564 | - | |||
| Corz d'o Reino d'Aragón | ||||
| Anteriors | Posteriors | |||
| Monzón 1563-1564 | Tarazona 1592 | |||
| Corz Catalanas | ||||
| Anteriors | Posteriors | |||
| Monzón 1563-1564 | Barcelona 1599 | |||
| Corz d'o Reino de Valencia | ||||
| Anteriors | Posteriors | |||
| Monzón 1563-1564 | Valencia 1604 | |||
Mapa
| ||||
  | ||||
As Corz de Monzón de 1585 estioron unas Corz Chenerals d'Aragón que fuoron convocadas por Felipe I d'Aragón dende a ciudat de Zaragoza o 30 de marzo de 1585 pa ubrir-se o 20 de mayo venient en Monzón, pero que fuoron prolargando-se dica o 28 de chunio. As Corz particulars aragonesas y catalanas continoron en Binéfar o 9 de noviembre y rematoron astí o 9 d'aviento. Se prolargoron pa os valencianos pa o 26 de noviembre mantenindo-se en Monzón.
En istas Corz fue churau como succesor o prencipe Felipe: o 7 de noviembre por os valencianos, o día 9 por os aragoneses y o 14 por os catalans.
Cuestions tractadas
editarO gran distanciamiento en a celebración de Corz, teneban actividat atras institucions pa o funcionamiento politico, y asinas chusmeteban cada vegada mas as chuntas de brazos, que se reuniban en a mesma Casa d'a Deputación y suposaban una ampliación d'a representación social important encara que desordenada. Iste nuevo papel d'os estamentos en o refirme y control d'a Deputación, que neutralizaba en parti os efectos d'o sistema insaculatorio, fue consolidau en a Cort de 1585 con a formalización d'as divuitentas u comisions mixtas de seis miembros por brazo, emanadas d'a Chunta de Brazos con l'obchectivo d'executar as decisions politicas sobre l'afer que heba motivau a convocatoria de l'asamblea. Ista estructura d'acción politica permitió a participación de mas de 600 personas entre o trienio 1587-1590.
Istas Corz no estioron diferents respective a o fracaso en l'aplicación d'os mecanismos d'a Observancia, aprebaus un sieglo antis y, a tamas d'as cuantas contrafaccions comesas por os oficials reyals, os representants d'o Consello de Ciento se queixaban que la Reyal Audiencia de Catalunya nunca no heba condenau a dengún oficial y afirmaba que o mantenimiento d'a Constitución d'a Observancia en os mesmos termins yera "la destructió de Cathalunya".
Respective a la politica financiera, y debant d'o creixient endeutamiento d'a Deputación, se decidió l'aplicación d'un concierto con os deutors pa aconseguir un retorno progresivo. A presión fiscal se fa mas fuerte con os que yeran difuera d'o concierto puyando as expropiacions y, paralelament, as agresions y asasinatos d'oficials a o cargo d'as expropiacions. Tamién se creyoron tablas de recautación en Begur y el Vendrell.
Ista bonanza financiera heba portiau os zaguers anyos a tener un cheneroso sistema de revisión salarial d'os oficials. En istas Corz s'aprebó amugar ista practica.
A publicación d'as constitucions aprebadas en estas Corz no apareixió dica mayo de 1586. A lo retardo inchustificau, se sumó o escandalo d'o manipoleyo que heban sufierto respecto a los alcuerdos presos. En a documentación ninviada por as autoridaz reyals pa estar imprimida mancaban as actas relativas a lo Santo Oficio, a Capitania Cheneral, o comercio de caballos y se i heba anyadiu una de nuevas relativa a l'aumento salarial d'o Consello Reyal. Dezaga d'iste manipoleyo s'identificó a intervención de Joan de Queralt y de Ribes, deputau d'o brazo militar de tendencias monarquicas quí será chudgau por un conchunto d'acusacions de suborno, tracto de favor y manipoleyo de documentos publicos encara que, posteriorment, estió exonerau por a Reyal Audiencia.
Vinclos externos
editar- (es) Las Cortes de Aragón en la Edad Media. Esteban Sarasa Sánchez. Guara Editorial. Zaragoza, 1979. ISBN 84-85303-22-3.
- (es) Cortes de Monzón de 1585: Los cronistas y la Junta de noche. José Antonio Escudero. Ivs Fvgit, 10-11, 2001-2002, pp. 13–27.
| Predecesor: Corz de Monzón (1563-1564) |
Corz Chenerals d'Aragón Corz de Monzón (1585) |
Succesor: No n'i hai |
| Predecesor: Corz de Monzón (1563-1564) |
Corz d'o Reino d'Aragón Corz de Monzón (1585) |
Succesor: Corz de Tarazona (1592) |
| Predecesor: Corz de Monzón (1563-1564) |
Corz Catalanas Corz de Monzón (1585) |
Succesor: Corz de Barcelona (1599) |
| Predecesor: Corz de Monzón (1563-1564) |
Corz d'o Reino de Valencia Corz de Monzón (1585) |
Succesor: Corz de Valencia (1604) |
Datos: Q8351269
