Cortz Catalanas

Cortz Catalanas
Corts Catalanes
Ayuntamiento Barcelona salo cent 01.jpg
Saló de Cent
Información d'o Parlamento
Establito 1218
Disolución 1714
Churisdicción Siñal d'Aragón.svg Prencipau de Catalunya
Seu Diferents ciudatz d'o prencipau de Catalunya y o reino d'Aragón

As Cortz Catalanas (en catalán Corts Catalanes) u Cortz Chenerals de Catalunya (en catalán Cort General de Catalunya) estioron l'organo normativo d'o Prencipau de Catalunya dende o sieglo XIII dica o sieglo XVIII.

Yeran composadas por los clamaus tres brazos: l'eclesiastico, o militar u noble y o reyal u d'as villas. O rei convocaba y ubriba as Cortz con una proposición reyal mientres que os brazos yeran os encargaus de lechislar, siempre con o concurso d'o sobirán. Si as leis que s'aprebaban yeran as d'o rei recibiban lo nombre de "Constitucions"; si s'aprebaban as d'os brazos, "Capitols de Cortz". Si o rei aprebaba una lei de forma unilateral recibiba o nombre d'"Acto de Cortz" y yera menester a ratificación por parti d'as cortz.

As Cortz Chenerals d'a Corona d'Aragón celebraban conchunta y simultaniament as Cortz d'Aragón, Valencia y d'o Prencipau de Catalunya. O Reino de Mallorca no convocaba Cortz y ninviaba a os suyos representants a las d'o Prencipau. Como no se podeban convocar difuera d'o reino d'Aragón, se gosaban celebrar en Monzón u en Fraga, localidatz aragonesas equidistants entre Zaragoza y Barcelona.

A esferencia d'as Cortz de Castiella d'a epoca, que funcionaban nomás como organo consultivo a lo que o rei concedeba privilechios y fueros, as Cortz aragonesas yeran un organo normativo, ya que os suyos alcuerdos teneban fuerza de lei, en o sentiu de contracto que o rei no podeba revocar.

Se veiga tamiénEditar