Corrient de turbididat
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una corrient de turbididat ye un movimiento d'augua con materials terrichens en suspensión que puet baixar por las pendients marinas u lacustres por tener una densidat mes gran que l'augua d'arredol.[1]
La primera corrient de turbididat que se podió conoixer se produció por un tierratremol lo 18 de noviembre de 1929 baixo la espuenda continental de Terranova, con lo resultau de crebar-se 13 cables submarins, 5 d'éls unas horas dimpués de lo tierratremol, lo que permitió que en l'anyo 1952 los ocianografos Bruce Heezen y Mauririce Ewing la podesen interpretar como una corrient de turbididat y la podesen reconstruir.
Las corrients de turbididat pueden tener velocidaz de 100 km/h y transportar dica las planas abisals materials detriticos de mida archila, limo, arena y dica mida zaborro.[2]
Se creye que las corrients de turbididat han contribuiu a formar las foces submarinas por erosión en la part baixa de las plataformas continentals, en las espuendas continentals, en lo glacis continental, y dica en las planas abisals. En los fondons d'estas foces bi ha muito material detritico, por eixemplo arenas.[3]
Cuan una corrient de turbididat pierde enerchía y capacidat de transporte en la part baixa de la espuenda continental sedimenta uns materials terrichens que se converten en las turbiditas de lo glacis continental y si sedimentan mientres bi ha actividat orochenica que conduce a la formación d'una cordelera la turbidita constituirá un flysch. Las turbiditas tienen una granoselección con materials gruesos en la part inferior y os materials fins en la part superior. Succesivos depositos sedimentarios de succesivas corrients de turbididat formarán una estratificación ritmica con la repetición de las unidaz de cada ciclo.
Referencias
editar- ↑ Alain Foucault y Jean-François Raoult Diccionario de Geología. Masson, 1985.
- ↑ * Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives, 1990. pp170
- ↑ Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993 pp150.
Bibliografía
editar- Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives, 1990.
- Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993.
- Alain Foucault y Jean-François Raoult Diccionario de Geología. Masson, 1985.
Datos: Q1756774
Multimedia: Turbidity currents / Q1756774
