Concordia de Monteagudo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de concordia de Monteagudo u tractau de Monteagudo a un tractau internacional sinyato entre a Corona d'Aragón y o reino de Castiella o 29 de noviembre de 1291 en a localidat de Monteagudo, en o reino de Castiella (hue Monteagudo de las Vicarías, en a provincia de Soria, Castiella y Leyón), estando rei d'Aragón Chaime II y rei de Castiella Sancho IV.

O tractau confirmaba as mugas entre os dos reinos en a peninsula iberica y tamién feba un reparto d'as zonas d'influencia d'os dos países en Africa d'o Norte, situando a muga en o río Muluya, dixando Marruecos a l'ueste baixo influencia castellana y Berbería (as actuals Túniz y Alcheria) baixo influencia aragonesa.

Tamién s'alcordaba o matrimonio de Chaime II d'Aragón con Isabel de Castiella, filla de Sancho IV de Castiella, encara que o matrimonio, celebrato en Soria l'1 d'aviento de 1291, no plegó nunca a consumar-se (a novia nomás teneba 8 anyadas) y s'anuló en 1295 dimpués d'a muerte de Sancho.

• Datos: Q3139687