Cofradía de Nuestro Padre Jesús de la Agonía y Nuestra Señora del Rosario en sus Misterios Dolorosos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cofradía de Nuestro Padre Jesús de la Agonía y Nuestra Señora del Rosario en sus Misterios Dolorosos | |
|---|---|
| |
 | |
| Información cheneral | |
| Establita | 1944 |
| Seu | Ilesia de Sant Pavlo |
| Seu social | San Blas 42-46 (Zaragoza) |
| Cofadres | 425 |
| Pasos | 3 |
| Instrumentos | Cornetas eraldicas |
| Uniforme | Caperucha y tunica negras |
| Web | www.cofradiadelsilencio.com |
A Cofradía de Nuestro Padre Jesús de la Agonía y Nuestra Señora del Rosario en sus Misterios Dolorosos u Cofradía del Silencio (en aragonés Cofadría d'o Nuestro Pai Chesús de l'Agonía y Nuestra Sinyora d'o Rosario en os suyos Misterios Dolorosos u Cofadría d'o Silencio) ye una cofadría d'a Semana Santa zaragozana.
Historia
editar
O 2 de chinero de 1944, día en que celebra a venita d'a Virchen María ta Zaragoza, s'establió a Cofadría de Nuestro Padre Jesús de la Agonía. Os fundadors estioron un grupo de chóvens d'Acción Católica d'a parroquia de Sant Pavlo en o barrio d'o Gancho. Ixa mesma anyada ya s'apreboron os suyos estatutos y participoron en as procesions de Semana Santa, estando a primera salita d'a cofadría en Chueves Santo, ya allora que denguna otra cofadría saliba ixa tarde.
O 6 d'abril de 1944 s'ubrioron as puertas d'a ilesia parroquial de Sant Pavlo y a cofadría salío en procesión por as carreras de Zaragoza. Yeran 47 chirmans que lebaban o paso de "Chesús de l'Agonía".
Ya dende iste primer anyo o silencio yera habitual en as procesions d'ista cofadría, por ixo o suyo nombre popular, "Cofadría d'o Silencio". Un silencio que nomás se creba por as cornetas heraldicas que tocan os chirmans d'a sección instrumental, establita en o mesmo anyo que a cofadría y un d'os simbolos d'ista.
Ye en 1953 cuan a cofadría adquiere o paso d'a "Virchen Blanca" que encorpora por primera vegata en a procesión d'o Santo Entierro de l'anyo 1968, anque ya saliba en procesión os anyos anteriors chunto a o "Cristo de l'Agonía".
Pasos
editar
- Jesús de San Pablo, ye una pedaina sieglo XVIII feita por os disciplos d'os Mesa. Levata por a sección infantil, representa a Chesús crucificato y ye propiedat d'a parroquia de Sant Pavlo.
- Jesús de la Agonía, obra de Jerónimo Nogueras de 1588 ye un d'os pasos mas antigos de Zaragoza y representa a l'Ecce-Homo u l'agonía de Chesús. Pintato por Rolam de Mois y propiedat d'a parroquia de Sant Pavlo.
- Ntra. Sra. del Rosario en sus Misterios Dolorosos, obra de Jacinto Higueras de l'anyo 1953, policromata por Marisa Roesset. O suyo manto blanco ye de seda y oro y tien una altaria de 180 cm. Os suyos brazos son articulatos.
Uniforme y emblema
editarTunica con coda y caperucho negros. En a centura levan una cuerda que les s'emplega ta unir a cada cofadre con l'anterior.
O emblema ye una cruz con a Corona de Punchas y dencima trescruzatos a espata de Sant Pavlo y o gancho simbolo d'a parroquia y barrio de Sant Pavlo.
O gancho, que siempre ubre as procesions d'a cofadría, s'emplegaba d'antis mas ta tallar as ramas d'os árbols antis d'o paso d'a cofadría.
| |
|
Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica | |
