Conium maculatum

(Reendrezau dende Cicuta)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Conium maculatum
Una mata de cicuta (Conium maculatum).
Denominacions populars
cicuta, zecuta, secuta, azecuta, zebuda, chicuta
Clasificación cientifica
Eukaryota
Plantae
Apiales
Apiaceae
Conium
C. maculatum
Descripción
Conium maculatum
Linnaeus, 1753

A cicuta[1] (Conium maculatum (Linnaeus, 1753)) ye una planta d'a orden d'os Apiales y familia Apiaceae que ye un nativa d'Europa y Africa d'o Norte[2] y altament verenosa. Una planta resistent capable de vivir en una variedat d'entornos, a cicuta se naturaliza amplament en puestos difuera d'a suya aria de distribución nativa, como partis d'Australia, Asia occidental y America d'o Norte y d'o Sud, en os cuals s'ha introduciu.[3] Ye capable d'espardir-se y, per lo tanto, convertir-se en una broza invasora.

Totas as partis d'a planta son toxicas, especialment as simients y as radices, y especialment cuan s'incheren. En as condicions adecuadas, a planta creix pro rapido mientres a temporada de creiximiento y puede aconseguir altarias de 2,4 m, con una radiz larga y penetrant. A planta tien una olor distintiva per un regular considerada desagradable que se leva con l'aire.

A cicuta contiene conina y cualques alcaloides verenosos semellants, y ye verenosa pa toz os mamifers (y muitos atros organismos) que la minchan. S'ha informau d'intoxicación en bovins, tocíns, uellas, crabas, somers, coniellos y caballos. Incherir mas de 150 a 300 mg de conina, equivalent a seis u ueito fuellas de cicuta, puede estar fatal pa os humans adultos.[4] As simients y as radices tamién son toxicas, mas que lo follamen.[5] Si bien a toxicidat d'a cicuta resulta sobretot d'o consumo, l'enverenamiento tamién puede resultar d'a inhalación y d'o contacto con a piel. Os granchers tamién han de tener cudiau de que lo feno que alimentan a los animals no contenga cicuta. A cicuta ye mas verenosa en a primavera cuan a concentración de γ-coniceina (o precursor d'atras toxinas) ye en o suyo punto maximo.

En l'antiga Grecia, a cicuta se feba servir pa enverenar a los prisioners condenaus. Conium maculatum ye a planta que mató a Theramenes, Socrates, Polemarchus y Phocion.[6] Socrates, a victima mas famosa de l'enverenamiento per cicuta, estió acusau de corromper as ments d'os chóvens d'Atenas en o 399 aC y lo suyo chudicio dictó la suya sentencia de muerte. Decidió prener una potent infusión de cicuta.

Referencias editar

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.52
  2. (en) Vetter, J (September 2004). "Poison Hemlock (Conium maculatum L.)". Food Chem Toxicol. 42 (9): 1374–82.
  3. (en) Schep, L. J.; Slaughter, R. J.; Beasley, D. M. (2009). "Nicotinic Plant Poisoning". Clinical Toxicology. 47 (8): 771–781.
  4. (en) Hotti, Hannu; Rischer, Heiko (2017-11-14). "The killer of Socrates: Coniine and Related Alkaloids in the Plant Kingdom". Molecules. 22 (11): 1962.
  5. (en) "IPCS INCHEM: International Programme on Chemical Safety". Choice Reviews Online. 34 (11): 34–6285-34-6285. 1997-07-01. doi:10.5860/choice.34-6285. ISSN 0009-4978.
  6. (en) Blamey, M.; Fitter, R.; Fitter, A. (2003). Wild flowers of Britain and Ireland: The Complete Guide to the British and Irish Flora. London: A & C Black. ISBN 978-1408179505.

Vinclos externos editar