Chueves Santo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Chueves Santo ye o cinqueno día d'a Semana Santa cristiana. Ye o día en que remata a cuaresma y o zaguer chueves antis d'o Domingo de Resurrección.

A "Zaguera cena" por Simon Ushakov (1685)

Ye o día en que se remera a zaguera cena de Chesús con os suyos disciplos antis d'a suya muerte. D'antis mas o Chueves Santo yera un día de silencio, a chent no saliba de casa, se feba ayuno y as campanas no bandeyaban como sinyal de rispeto.

Liturchia de Chueves Santo

Antis d'a fiesta de Pascua, Chesús sapeba que yera plegata la suya hora, la de pasar d'iste mundo ta o Pai. Él, que heba aimau a os suyos que yeran en meyo d'o mundo, lis contrimostró lo suyo amor dica la fin. Mientres cenaban, cuan o diaple heba ya enducito a Chudas, fillo de Simón Escariot, a traicionar-lo, sapendo que o Pai li heba meso tot en as suyas mans y que de Dios procedeba y enta Dios tornaba, se devantó d'a mesa, dixó lo manto y, prenendo una tovalla, la se cinyó. Dimpués redamó augua en un barrenyo y se metió a lavar-lis os piez a os disciplos y ixecar-lis-ne con a tovalla que levaba cinyita. En arrimar-se ta Pietro iste li dició:

-«Sinyor, tu me quiers lavar os piez a yo?»
Chesús li refetó:
-«Tu no apercazas agora o que yo soi fendo, pero lo replecarás aintro de bel tiempo.»
Li dició Pietro:
-«No me lavarás os piez en a vida.»
Li respondió Chesús:
-«Si no deixas que te lave, no tendrás parti con yo.»
Simón Pietro li dició:
-«Sinyor, si asinas ye, no nomás os piez, lava-me tamién as mans y a capeza»
Chesús li contestó:
-«O que ya se ye banyato no necesita que li laven que os piez. Ye de raso lempedo. Tamién vusatros soz lempedos, encara que no toz»
Chesús sapeba qui l'iba a entregar, por ixo dició:
«No pas soz toz lempedos.»
Cuan lis habió lavato os piez, prenió lo suyo manto y se posó de nuevas a la mesa. Allora lis dició:

-«Apercazaz o que he feito con vusatros? Vusatros me clamaz Mayestro y Sinyor, y con ragón, porque lo soi. Pos si yo, lo Sinyor y o Mayestro, tos he lavato os piez, tamién vusatros debez lavar-tos os piez os uns a os atros. Ye dicir, tos dixo un ixemplo ta que igual como yo he feito con vusatros, faigaz tamién vusatros».(Chn 13, 1-15)

Celebracions en Aragón

Elevación de la Cruz en Zaragoza

En Zaragoza diferents cofadrías (Llegada, Columna, Despojado, Exaltación, Verónica, Crucifixión, Coronación, Silencio, Huerto, Coronación, Resucitado, Prendimiento, Descendimiento y Eucaristía) fan procesions por toda a ciudat.

En o Baixo Aragón se fa a tradicional Rompida de la Hora, en toz os lugars fueras de Calanda, en a meyanueit d'o Chueves Santo.

Día d'ayuno chunto a o Viernes Santo, d'antis mas se treballaba nomás dica meyodía y se creyeba que si s'escobaba dimpués d'ista hora apareixeban formigas en a casa a resta de l'anyo.

Referencias

• Datos: Q106333
• Multimedia: Maundy Thursday / Q106333