Chuan l'Onso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa atros usos d'a parola onso se veiga Onso (desambigación).

Chuan l'Onso u Chuan de l'Onso ye o nombre d'un personache mitico recurrent en o folclore de transmisión oral de diferents países d'Europa, aon que protagoniza mitos con semellanzas entre éls, o que podría estar muestra d'una radiz común.^[1] As caracteristicas comuns con que se le representa son que ye o fillo d'un onso y una muller, tiene fuerza sobrehumana y sole vivir en a espesura d'una selva u en bella espluga.

Academicament, o personache s'alude siempre con un nombre que sigue ixa mesma forma en cada luenga: Chuan + Onso. Se diz Juan el Oso en espanyol, Jean de l'Ours en francés, John The Bear u John-of-The Bear en anglés, etc.. Os cuentos de «Joan de l'Ors» son muit populars en Occitania, aon que o personache gosa protagonizar historias mesmo heroicas, estando a rechión en a cual s'ha feito mas variacions d'este mito. Tamién se conoix versions d'o mito de «Joan de l'Ós» en Catalunya d'o Norte^[2] y en o País Basco baixo lo nombre de «Xan Hartza» u «Juan Artz».^[2] Curiosament, una historia parellana documentada en Mallorca le diz Joan de l'Onso.^[2]

Autors como Enrique Satué han visto que o mito de Chuan l'Onso podría haber influiu en a formación de mitos locals de l'Alto Aragón, como Chuan Ralla de Sobrarbe, o Silván de Tella u lo Basaharau d'as vals occidentals.^[3]

O personache literario Gildo Mallo, d'a novela Desperta ferro! (1930) de Ricardo León, ye un boxiador naixiu de Sobrarbe y que diz que desciende d'una muller y un onso a traviés d'un antipasau que se diz, curiosament, Chuan l'Onso.^[4]

Referencias

↑ (es) NAVARRO LÓPEZ, José Miguel. Diccionario de signos, símbolos y personajes míticos y legendarios del Pirineo Aragonés. Ed. PRAMES. Zaragoza, 2018. ISBN 978-84-8321-889-1.
↑ ^2,0 ^2,1 ^2,2 (ca) Joan de l'Ós, el cor salvatge, consultada o 4 d'aviento de 2019.
↑ (es) SATUÉ OLIVÁN, Enrique. El Pirineo Contado. Ed. PRAMES. Zaragoza, 2014. ISBN 978-84-8321-403-9.
↑ (es) Voz León, Ricardo en a GEA, consultada o 4 d'aviento de 2019.

Se veiga tamién

Datos: Q2750219
Multimedia: Jean de l'Ours / Q2750219

[Navarro-1] (es) NAVARRO LÓPEZ, José Miguel. Diccionario de signos, símbolos y personajes míticos y legendarios del Pirineo Aragonés. Ed. PRAMES. Zaragoza, 2018. ISBN 978-84-8321-889-1.

[Llegendes-2] 2,0 ^2,1 ^2,2 (ca) Joan de l'Ós, el cor salvatge, consultada o 4 d'aviento de 2019.

[Satué-3] (es) SATUÉ OLIVÁN, Enrique. El Pirineo Contado. Ed. PRAMES. Zaragoza, 2014. ISBN 978-84-8321-403-9.

[GEA-4] (es) Voz León, Ricardo en a GEA, consultada o 4 d'aviento de 2019.

[1]

[2]

[3]

[4]