Chuan d'Aragón y Navarra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuan d'Aragón y Navarra
Bispe de Uesca-Chaca
49° Bispe de Uesca-Chaca
1 d'octubre de 1484-1526
Predecesor	Antón d'Espés
Succesor	Alonso de So de Castro
Naixencia	1459? Palermo, Sicilia
Muerte	23 d'aviento de 1526 Uesca, Aragón
Enterreco	?

Chuan d'Aragón y Navarra (Palermo, 1459? - Uesca, 23 d'aviento de 1526) estió bispe de Uesca-Chaca dende 1484 dica 1526.

Yera fillo de Carlos d'Aragón y Navarra, prencipe de Viana, nieto d'o rei Chuan II d'Aragón, sobrino d'o rei Ferrando II d'Aragón y primo chirmán d'Alonso d'Aragón, arcebispe de Zaragoza. Fue nombrau abat d'o monesterio de Sant Chuan d'a Penya o 10 de mayo de 1476, cuan nomás teneba 18 anyos. Estió tamién prior comendaticio d'a ilesia de Nuestra Sinyora d'o Pilar de Zaragoza.

Antis d'acceder a o bispato de Uesca, o papa Sixto IV, ya l'heba nombrau o 24 d'octubre de 1482 administrador d'a diocesi de Patti, en Sicilia. Inocencio VIII, ye o papa que nombra a Chuan d'Aragón y Navarra bispe de Uesca con una bula de l'1 d'octubre de 1484.

Tenió un pleito en 1486 con l'archidiocesi de Pamplona por l'arcipestrau de la val d'Onsella. En o suyo mandato, o mas luengo en a diocesi uescana, se facioron obras en a seu de Uesca y se consagró l'altar mayor d'a seu de Chaca.

Vinclos externos

• (es) Juan de Aragón y de Navarra, Obispo de Huesca. Antonio Durán Gudiol.
• (es) El Obispo Don Juan de Aragón y Navarra, hijo del Principe de Viana
• (es) Juan Alfonso (o Alonso) de Aragón y de Navarra. Real Academia de la Historia.
• (en) Ficha en www.catholic-hierarchy.org

• Datos: Q68862478