Chuan Zapata de Cadret

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuan Zapata de Cadret
29enoChusticia d'Aragón
1290 – 1295
Precediu por	Chuan Gil Tarín
Succediu por	Eximén Pérez de Salanova
Naiximiento	?
Muerte	chinero de 1295

Chuan Zapata de Cadret estió chusticia d'Aragón entre 1290 y 1295.

Biografía

Promanau d'una familia noble asentada en Calatayut, estió chuez y ambaixador real.​ En 1283 forma parti d'o consello reyal y ye triau como ambaixador debant d'Eduardo I d'Anglaterra.​ Igualment, consta la suya estancia en Bordeus en 1287, entre las negociacions con Francia y los Estaus Pontificios a resultas d'as reivindicacions aragonesas en as islas Balears y Sicilia.

O suyo servicio a la corona estió recompensau en 1290 con o cargo de Chusticia d'Aragón, an se tornó a significar entre los conflictos entre lo rei y los nobles. Como chusticia presidió las Corz de 1290, an se tractó de limitar cualques eszesos nobiliarios dimpués d'os Privilechio d'a Unión.

O rei Alifonso III premió istes servicios en 1287 con as localidaz de Chuslivol y Cadret, encara que un asalto de partidarios d'a Unión Aragonesa arranó l'en primeras. Obtenió alavez a población de Sant Mateu de Galligo. En 1289, y debant d'a inminent guerra con Castiella, pagó 6000 morabetins per ditas concesions.

O siguient rei, Chaime II d'Aragón, confirmó a lo puyar a lo trono en 1291 ditas prebendas.​ Entre lo suyo reinau, Chuan Zapata tractó de meyar en os conflictos entre lo rei y Artal d'Alagón, sinyor de Sastago y Pina d'Ebro que, casau con a chirmana d'o rei, s'oposaba a la Paz d'Anagni.​

O 4 de marzo de 1294 renunció a lo cargo de Chusticia, estando succediu per Eximén Pérez de Salanova.

Murió en chinero de 1295.

• Datos: Q13048748