Cerebelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo cerebelo u cervellet ye un organo situau debaixo u dezaga de lo cerebro u cerviello que fa part de lo encefalo. La suya función ye relacionada con lo control de la posición, movimiento y equilibrio, fendo una coordinación involuntaria y controla la salida de movimientos pa mantener lo equilibrio, la postura y lo tono muscular. Lo cerebelo ye en posición dorsal con respecto a lo puent de Varolio, fendo part los dos de lo metencefalo. Ye present en los vertebraus y bien desembolicau en los peixes osios, aus y mamiferos.

Sección sachital meya d'o encefalo (continada caudalment con 9: miollo espinal). Un canto azul sinyala o sistema ventricular.
1. Cerebro: 2. Telencefalo, 3. Diencefalo.
4. Tronco d'o encefalo: 5. Mesencefalo, 6. Protuberancia, 7. Bulbo raquidio.
8. Cerebelo.

Los anfibios y reptils actuals lo tienen poco desembolicau a causa de que la suya locomoción no implica movimientos guaire dificils luent de lo suelo. En los mamiferos y aus presentan una mayor actividat muscular y en consecuencia precisan d'un cerebelo mes gran, y con una superficie plegada en circumvolucions, con un aspecto y estructura pareixius a lo cerebro. Los primates son los animals con cerebelo mes complexo.

Lo cerebelo en los mamiferos

En los mamiferos lo cerebelo presenta dos lobulos cerebelosos y una masa central u vermis. Visto dende abaixo un profundo sulco lo divide en dos hemisferios (hemisferios cerebelosos). Adintro de lo cerebelo se troba lo cuatreno ventriclo encefalico. A l'igual que en lo cerebro, la substancia grisa (cuerpos neuronals) ye en la periferia y la substancia blanca (axons embolcallo de mielina) ye en la part central. En un tallo las substancias blanca y gris tienen aspecto d'árbol y d'astí la denominación antiga d'"árbol de la vida". Los dos hemisferios cerebelosos son conectaus por fibras nerviosas que traviesan lo puent de Varolio.

Referencias

• Datos: Q130983
• Multimedia: Cerebellum / Q130983