Castellano andaluz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o dialecto andaluz d'o castellano. Ta a localidat d'a provincia de Soria se veiga Andaluz (Soria).

Andaluz Andalú
Variedat d'o castellano
Situación d'o dialecto andaluz
Localización cheografica
Estau	{{{estau}}}
País	{{{país}}}
Rechión	{{{rechión}}}
Parlau en	Andalucía Chibraltar Ceuta Melilla
Lugars principals
Atras denominacions	{{{atras denominacions}}}
Charradors
Oficial en
Reconoixiu en	{{{reconoixiu}}}
Regulau por
Vitalidat
Escritors principals
Rasgos dialectals
Clasificación lingüistica
Indoeuropea Romance Romance occidental Iberorromanicas Ibero-occidental Castellano Andaluz
ISO 639-1
ISO 639-2
ISO 639-3
SIL

L'andaluz ye la modalidat (u modalidaz) lingüistica que mira d'abracar las diferents variedaz d'o castellano meridional d'Espanya fablatas a Andalucía, Chibraltar y las ciudaz autonomas de Ceuta y Melilla. Estas variedaz comparten belas caracteristicas, manimenos as diferencias de provincia a provincia son tamién prou importants. L'andaluz gosa d'estallar-se dialectalment en dos faixas, la occidental y la oriental, encara que en l'actualidat se considera que ista división ye basata en criterios subchectibos. En l'andaluz oriental bi ha presencia d'aragonesismos.

Cualques caracteristicas cheneralizatas de l'andaluz

Neutralización de "s"/s/ y "z"/"ce, ci" /θ/ inicials u intervocalicas, lo que deriva, seguntes la zona, en seseyo u ceceyo. (pero bi ha una zona d'Andalucía an la neutralización no se produz y se distingue igual como en o castellano septentrional.)
Pronunciación d'a "j" velar castellana como una aspirata en cuenta de velar, semellant a l'"h" anglesa, fueras d'en bella part d'o NE andaluz.
Aspiración (u desaparición) variable d'un gran numbro de consonants finals de silaba u palabra.
L'aspiración d'a s final d'as silabas ye un caracter cheneralizau en andaluz y caracteristico d'o castellano medieval que s'interpreta a partir de pronunciacions de plurals en x en cuenca de s por influencia d'a pronunciación d'os repobladors leyoneses u portugueses. La x s'aspiraría enta lo sieglo XVI cuan se produciba lo cambio fonetico dende o fonema prepalatal fricativo xordo enta la j velar castellana en lo norte y centro de Castiella,^[1] cambio que en Andalucía nunca no se produció por existir l'aspirada que ocupó lo suyo puesto.
Tendencia t'a cayedura d'a "d" intervocalica y, en bel caso, d'a "r".

Lexico

Bi ha bel mozarabismo local:

Almatriche.^[2]
Barcina.
Cauchil.^[2]
Cherna: peix d'a subfamilia Epinephelinae.
Chícharo: "bisalto".
Chicharro: chichorra.
Paulilla.^[2]
Sangacho.

Bi ha arabismos que no s'emplegan en o Norte:

Ajonjolí.
Aljofifa.

Son mes comuns los arcaísmos castellanos desapareixius en o Norte:

Afuciar.^[2]
Cabero:^[2] zaguero.
Casapuerta.^[2]
Certenidad:^[2] certeza.
Disanto:^[2] día festivo.
Entenzón.^[2]
Escarpín.^[2]
Munir.^[2]

Aspectos sociolingüisticos

A Espanya, per un regular, l'andaluz contina estando marcato socialment como una variedat menos prestichiosa que la que se parla en Castiella (castellano septentrional), considerata la estándard en os medios de comunicación. Manimenos, muitas d'as caracteristicas lingüisticas (sobretot foneticas) de l'andaluz pueden veyer-sen reflexatas en os estándards d'o espanyol d'America.

Aspectos culturals

L'andaluz ye a ormino considerato la luenga d'a musica flamenca. Andalucismos prou conoixitos son asociatos a lo flamenco: cantaor, tocaor, bailaor.

D'entre los vocables andaluces que son entratos en l'idioma castellano cheneralizato, bi ye lo de juerga ("baruca, tabola"), orichinato en a pronunciación andaluza de huelga (antigament "folgura, esqueferanza", actualment "aturata laboral").

Referencias

↑ (es) Paul M. Lloyd: Del latín al español. Editorial Gredos, 2003, pp 554-556.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 (es) Rafael Lapesa. Historia de la lengua española. Editorial Gredos. (1981). p 512-514.

Bibliografía

(es) Rafael Lapesa: "Historia de la lengua española". Editorial Gredos, (1981).
(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002.
(es) Paul M. Lloyd: Del latín al español. Editorial Gredos, 2003.

Vinclos externos

Datos: Q489811
Multimedia: Andalusian Spanish / Q489811

[LLOIDLATINESPANYOL-1] (es) Paul M. Lloyd: Del latín al español. Editorial Gredos, 2003, pp 554-556.

[HISTORIALAPESA-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 (es) Rafael Lapesa. Historia de la lengua española. Editorial Gredos. (1981). p 512-514.

[1]

[2]