Carlos Manuel Escribano Subías
| Carlos Manuel Escribano Subías | ||||||||||
|---|---|---|---|---|---|---|---|---|---|---|
| Arcebispe de Zaragoza | ||||||||||
.jpg) | ||||||||||
| 2020 - en o cargo | ||||||||||
| Predecesor | Vicente Jiménez Zamora | |||||||||
| Succesor | en o cargo | |||||||||
| 2010 - 2016 | ||||||||||
| Predecesor | José Manuel Lorca Planes | |||||||||
| Succesor | Antonio Gómez Cantero | |||||||||
| ||||||||||
| Naixencia | 15 d'agosto de 1964 Carballo (A Coruña, Galicia)
| |||||||||
.svg) | ||||||||||
| Quære primum Regnum Dei et iustitiam eius | ||||||||||
Carlos Manuel Escribano Subías, naixiu de Carballo (A Coruña, Galicia) lo 15 d'agosto de 1964,[1] ye un arcebispe espanyol d'a Ilesia Catolica, que actualment y dende lo 21 de noviembre de 2020 ye lo 55eno arcebispe de Zaragoza. Anteriorment estió bispe d'Teruel y Albarracín (2010 - 2016) y bispe de Calagorra y La Calzada-Logronyo (2016 - 2020).
Primeras anyadas
editarEncara que fillo d'aragoneses, naixió de Carballo en Galicia en estar su pai destinau en ixa ciudat, y cuan encara yera nino la familia tornó en Aragón, instalando-se en Monzón (Cinca Meya) a on pasó la suya nineza y fació los suyos primers estudios, que continó en Zaragoza.
Formación relichiosa
editarDentró en o Seminario Mayor de Leida en Catalunya, y posteriorment estudió Teolochía en a Universidat de Navarra en Pamplona, completando la suya formación en la Pontificia Universidat Gregoriana en Roma entre 1994 y 1996.
Mosén
editarFue ordenau como mosén o 14 de chulio de 1996, treballando dende alavez en l'archidiocesi de Zaragoza, estando vicario en a basilica de Santa Engracia de Zaragoza dende 1996 dica 2000, ta posteriorment (2000-2008) estar lo mosén d'a ilesia d'o Sagrau Corazón de Chesús, tamién en Zaragoza, desembolicando tamién cuantas atras actividaz pastorals.
Epicopau
editarBispe de Teruel y Albarracín
editarO papa Benedicto XIV lo nombró lo 20 de chulio de 2010 bispe de Teruel y Albarracín[1] en succedindo a José Manuel Lorca Planes, recebindo la suya ordenación epicopal o 26 de setiembre d'ixe mesmo anyo por o cardenal Antonio María Rouco Varela, acompanyau por o nuncio Renzo Fratini y por l'arcebispe emerito de Zaragoza Elías Yanes Álvarez.[2]
Bispe de Calagorra y La Calzada-Logronyo
editarO papa Francisco lo nombró bispe de Calagorra y La Calzada-Logronyo o 13 de mayo de 2016,[3] prenendo posesión d'o cargo lo 25 de chunio en una ceremonia celebrada en a Seu de Santa María de Calagorra, tamién con presencia d'o nuncio apostolico Renzo Fratini.[4]
Entre atros cargos y actividaz, en iste periodo estió lo representant d'a Conferencia Episcopal Espanyola en a XV Asamblea Cheneral Ordinaria d'o Sinodo d'os Bispes, en octubre de 2018.[5]
Arcebispe de Zaragoza
editarO 6 d'octubre de 2020 fue nombrau arcebispe de Zaragoza,[6] prenendo posesión o 21 de noviembre en una ceremonia celebrada en a seu basilica de Nuestra Sinyora d'o Pilar.[7]
En a Conferencia Episcopal Espanyola ocupa lo cargo de president d'a Comisión Episcopal ta los Laicos, Familia y Vida dende marzo de 2020, estando reesleyiu en 2024.[8]
Escudos d'armas
editar-
Bispe. -
Arcebispe
.svg)
Referencias
editar- ↑ 1,0 1,1 (it) Rinunce e nomine, 20.07.2010, nota de prensa d'o Vaticano.
- ↑ (es) Carlos Escribano será ordenado hoy obispo, en El Periódico de Aragón, 26 de setiembre de 2010.
- ↑ (it) Renuncie e nomine, segunda nota de prensa d'o Vaticano.
- ↑ (es) Monseñor Carlos Escribano toma posesión como obispo de Calahorra-La Calzada-Logroño, en El Diario.es, 25 de chunio de 2016.
- ↑ (it) XV Assemblea Generale Ordinaria del Sinodo dei Vescovi (3-28 ottobre 2018) – Elenco dei Partecipanti, 15.09.2018, tercera nota de prensa d'o Vaticano.
- ↑ (it) Rinunce e nomine, 06.10.2020, cuatrena nota de prensa d'o Vaticano.
- ↑ (es) Carlos Escribano recuerda a las víctimas del Covid en su toma de posesión como arzobispo de Zaragoza, en o diario Abc, 21 de noviembre de 2020.
- ↑ (es) Mons. D. Carlos Escribano Subías ha sido elegido Presidente de la Comisión Episcopal para los Laicos, Familia y Vida, 5 de marzo de 2024.
Vinclos externos
editar| Predecesor: Vicente Jiménez Zamora |
Arcebispe de Zaragoza 2020 - en o cargo |
Succesor: En o cargo |
| Predecesor: José Manuel Lorca Planes |
Bispe de Teruel y Albarracín 2010 - 2016 |
Succesor: Antonio Gómez Cantero |
| Predecesor: Juan José Omella |
Bispe de Calagorra y La Calzada-Logronyo 2016 - 2020 |
Succesor: Santos Montoya Torres |
Datos: Q555422
Multimedia: Carlos Manuel Escribano Subías / Q555422
