Carda
As cardas[1] (de cardo) yeran unas ferramientas que s'emplegaba dos de vez y serviban pa cardar a lana lo mas fino que se podese. Una carda consistiba en una tableta de madera rectangular con un mango en un d'os costaus largos y que teneba una d'as superficies amplas bien atipida de pugas de metal. As formas mas primitivas d'iste utensilio yeran a cabeza d'un cardo, d'an les viene o nombre.
As cardas s'emplegaban de dos. La una se meteba plana en a falda, con as pugas tripa t'alto, y se le meteba os brins de lana en as pugas, y alavez, con l'atra concarada en sentiu contrario y cutio-cutio anque a buen ritmo, se pintinaba la lana de modo que se desfesen os nudos. Si se feba malament a lana «s'apedregaba», que ixo ye que se le feban uns nudos muit bastos y ya no yera de buen filar. En rematar, a lana «s'esbrinaba» (se quitaba d'a carda ya cardada) y s'escomenzaba de nuevo con unatro brin.
Se veiga tamién
editarReferencias
editar- ↑ SATUÉ SANROMÁN, José María. La vida tradicional en el Pirineo. Editorial Pirineo. Uesca, 2020. ISBN 978-84-17817-20-6. P. 177.
Datos: Q7360130
