Capitán Haddock

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Capitán Haddock
O capitán Haddock
Información personal
Residencia:	Moulinsart
Ocupación:	Capitán de marina
Personache de cómic
Cómic:	As aventuras de Tintín
Debuixant:	Hergé
Anyo:	1941

O capitán Archibald Haddock (en francés Capitaine Archibald Haddock) ye un personache de ficción d'a serie de cómics belga As aventuras de Tintín, d'Hergé. Capitán de marina, Haddock ye un viello lupo de mar, un entranyable companyero de viache de Tintín a o largo de buena parti d'as suyas aventuras. Apareixe en 17 álbums d'os 25 tradicionalment admitius como oficials; a suya primera aparición ye en Le Crabe aux pinces d'or. Curiosament, o lector no conoixerá o suyo nombre de pila, Archibald, dica l'antezaguero álbum d'a serie, Tintin et les Picaros.

Biografia de ficción

O capitán Haddock recorre o mundo, por mar y por tierra, como companyero d'o reportero Tintín y o can Milú. Ye muit amigo de Silvestre Tornasol (encara que o tracto con iste requiere una gran dosis de pacencia), tracta como un pai autoritario a os inspectors Asín y Azín, tien una rariza amistanza con Bianca Castafiore, no sape como decir que no a Serafín Lampión, y simpatiza con o suyo antigo amigo Chester y con o mocet chinés Tchang. Tien muitas atras relacions personals (buenas y malas) con atros personaches, por eixemplo con o malvau Allan Thompson.

Viello aficionau a la pipa y o Loch Lomond, gran amigo d'as faltadas cultas y "refinadas" (lo que a vegadas ocasiona barallas y problemas a la resta d'o grupo), ye propietario d'o castiello de Moulinsart. Diz que s'estima mas d'estar-se en casa tranquilo en cuentas de correr aventuras.

Faltadas

En l'inte d'a introducción d'o capitán Haddock a la serie en 1941, la caracterización d'o personache le presentó un problema a Hergé. Como navegant, Haddock habría de tener un vocabulario prou variau, pero Hergé no podeba emplegar faltadas, ya que sabeba que parti d'o suyo publico lector incluyiba ninos. A solución plegó cuan Hegé remeró arredol de 1933, poco dimpués de que se sinyara o Pacto d'as Cuatre Potencias, haber ascuitau a un comerciant emplegar a parola "pacto d'as cuatre potencias" como un faltada. Empentau por iste uso d'una "faltada irrelevant", Hergé fació que ol capitán usara parolas rarizas u esotericas que no yeran realment ofensivas, pero que prochectaría muit carranyau, como si estasen faltadas muit grieus. Istas parolas abracaban una variedad d'arias, a sobén relacionadas con termins especificos d'os campos d'estudio cientifico.

Amás d'as suyas muitas faltadas, as esprisions mas famosas d'o capitán Haddock consisten en cuantas permutaciones de dos frases: Mil millardos de mil millons de canyons! (u de naufrachios) y Lampit de lampiz! (u lampiz y relampiz).

Referencias

• Datos: Q1640063
• Multimedia: Capitaine Haddock / Q1640063