Tchang

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tchang
Tchang Tchong-Jen
Información personal
Ocupación:	Cientifico
Personache de cómic
Cómic:	As aventuras de Tintín
Debuixant:	Hergé
Anyo:	1936

Tchang (en francés Tchang Tchong-Jen u simplament Tchang, en chinés 張仲仁, pinyin Zhāng Zhòngrén) ye un personache de ficción d'a serie de cómic As aventuras de Tintín, creyada por o dibuixant belga Hergé. Ye un mesache chinés amigo de Tintín que apareixe por primera vegada en Le Lotus bleu. Ye l'unico personache que s'interpreta a él mesmo, ya que en a vida real Tchang Tchong-Jen yera un choven chinés que estudeaba artes polidas en Bruselas; Hergé se metió en contacto con él pa conoixer una mica mas a realidat de China.

Biografia de ficción

Tchang Tchong-Jen, mas conoixiu como Tchang, ye de caracter amable, simpatico, servicial y con una gran humanidat. Tchang perdió a os suyos pais en o desbordamiento d'o río Yangtze; estando mientras ista tamborinada cuan Tintín le salvó cuan yera a punto d'afogar-se y se conoixioron.

O personache y trachectoria editorial

Apareixe en Le Lotus bleu, una d'as histories mas reals d'Hergé. De feito, a suya aparición estió clau pa dibuixar una d'as suyas vinyetas mas famosas.

Mosen Gosset, lector de Tintín y protector d'os estudiants chineses d'a Universitat Catolica de Lovaina, contactó con Hergé pa meter-le a corrient d'o prechuicios d'a sociedat occidental d'ixas envueltas contra a cultura chinesa y le metió en contacto con un choven chinés que estudeaba artes polidas, Tchang Tchong-Jen, con qui establiría ascape una fuerte amistanza y qui l'explicó a historia, a cultura y l'arte de China. Hergé aproveitó pa denunciar en Le Lotus bleu a ocupació a que yera sometiu o país oriental por parti de l'Imperio Chaponés y a corrupció que yera patindo, tot adhibindo mensaches antiimperialistas.

O personache, amás, ye clau en Tintin au Tibet, a on o reportero, convenciu de que o suyo amigo ha sobreviviu a un l'accident d'avión en o Himalaya, va a escar-lo arrisgando a suya vida y la d'o suyo companyero, o capitán Haddock.