Boyos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os boyos un pueblo celta d'Europa Central que ocupaban inicialment l'aria de Bohemia, Bavera, Moravia y part d'Eslovaquia dende on s'extendilloron por Panonia dica que en fuoron forachitatos por os dacos baixo Burebista. Una branca d'os boyos trescurzó os Alpes emigró a la Galia Cisalpina. En tiempos d'a conquiesta romana de Galia bels boyos emigroron a Galia. Os boyos talment tiengan un etnonimo derivato d'a denominación d'os bovinos en celta y daron nombre a Bohemia, y son relacionatos tamién a etimolochía d'o etnonimo bayoarios y o toponimo Bavera.

Probables movimientos migratorios d'os Boyos

Mencions en fuents aragonesas

En a traducción aragonesa d'o "Breviarium ab Urbe condita" nombran tanto a los boyos d'a Galia Cisalpina como a los que emigroron a Galia Transalpina en tiempos de Chulio César:

En aquel tiempo los visubios boyo los quales edificaron la ciudat de ticino et los cenomanos aplegado todo lur poder con amilcar / duc de los pennos el q(u)al era fincado en ytalia et guostauan cremona et plasença con grant difficuldat fueron vencidos en batalla por lucio fuluio prector et marcello consul opremido en etruria por los boyos perdio grant partida de su huest mas despues el otro consul furio le fue en ayuda et desbaratados toda la gent de los boyos con fuego et con fiero et les tornaron a no res

En(e)l anyo dela edificacion dela Ciudat entaqua .dcxciij. gayo Julio cesar el qual despues Jmpero fue facto co(n)sul ab lucio libulo consul companyon suyo / et fue a aquel decreta gallia / et yltirinco ab. x. legiones / et primero vencio llos heluicios los quales son agora clamados sq(u)ados Et en apres vencio batallas mucho greues fue entro ala mar bretannica oceano et batallo et vencio en aquella los elnicios culingos latobols rauratos et boios delos quales .ccccvij. M(il) fueron matados / et los otros fuyeron

Os boyos d'a Galia Cisalpina son ditos boyens u boyenos en a "Grant Cronica d'Espanya", compilación historica de Chuan Ferrández d'Heredia:

& aun se(n)de era(n) foydos a / mutine & si fuero(n) los legados Romanos sobre aq(ue)sto enuiados alos boyenes por ellos uiolar & enuilanir.

& assi Anibal no(n) estaua pas bie(n) auisado si se combatrie co(n)la p(r)im(er)a huest d(e)los Romanos q(ue)l trobarie ossi leuarie su huest e(n)trega en ytalia mas de aq(ue)sti dubdo lo metio enç(er)tenidat la uenida d(e)los legados boyens

Bibliografía

• Francisco Marco Simón. Los celtas. Historia 16. Madrid

• Datos: Q157676
• Multimedia: Boii / Q157676