Burgunyons

Burgunyons Bourguignons
Gustave Eiffel · Guy Roux · Nicolas Rolin
Rechions con comunidatz importants
Francia
Idiomas
Francés, idioma borgonyón, arpitán
Pueblos relacionatos
Valons, franceses, churasians, arpitans

Os burgunyons son os habitants de Borgonya y d'o Franco Condato, actualment asimilatos a lo pueblo francés, en a Edat Meya yeran consideratos un pueblo diferent. Son de relichión catolica.

Luenga

Ta más detalles, veyer l'articlo idioma borgonyónveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

As parlas tradicionals en Borgonya y centro y norte d'o Franco Condato corresponden a luengas d'Oil (borgonyón), pero en o sud d'o Franco Condato bi ha parlas que corresponden a l'arpitán.

Etnonimo

O toponimo Borgonya provién de Burgundia, tierra d'os burgundios, un pueblo chermanico sozmeso por os francos. En anglés a mesma "Borgonya" ye dita Burgundy.

En a "Cronica de los Conquiridors" os mesmos burgundios son ditos burgunyones:

En tiempo del emperador Theodosio menor fillo de Arcadio el qual començo a imperar apres dela muert de Honorio, tio suyo, el anyo de nuestro Senyor CCCCXXV, la gent delos Vnos, pueblo muyt cruel, sallio delas lontanas partidas de Scithia con lur rey Subataro, et conuinieron sobre aquellos Burgunyones destruyendo et matando aquellos sin ninguna misericordia et derrobando todas lures cosas. Et los Burgunyones no eran ahun christianos, mas depues se bautizaron todos et tomaron la fe de Ihesu Christo por que los ayudasse contra los Huncnos. Pues seyendo ya christianos los Burgunyones, los Huncnos fueron otra vegada sobre ellos et los començaron a destruyr como de primero; la ora ellos todos de comun voluntat se recomendaron a Ihesu Christo et corrieron sobre los Huncnos et vincieron los et mataron lur rey Subataro con bien X m delos enemigos et persiguieron los otros qui fuyen et los fuera echaron de sus terminos. Pues muerto el rey Subataro, los Huncnos constituyeron reyes suyos Atilla et Blenda, qui eran hermanos et eran fillos del rey Magdulco, hermano del dicho Subataro.

En a "Cronica de Morea" ya veyemos o chentilicio u etnonimo aplicato a lo pueblo de luenga neolatina:

et uidiendo que non podia tomar patras caualgo et tomo los casales et las uillas del senyor de patras et todos los otros lugares de la morea que non auian grant fortaleza. et depues fue en andreuilla: et la prinçessa que era en calamata ordenadas et goarnidas sus fortalezas et reposados et encaualgados sus burgunyones qui era(n) uenidos con ella ordeno et fizo su capitan de guerra et comando que toda su gent assi burgunyones como de la tierra caualgassen contra don ferrando por defender su terra et recobrar aquella que era perdida

Historia

Quan o Imperio Carolinchio d'os francos fue dividito, Borgonya quedó fuera d'o Reino de Francia Occidental, y por o tractato de Verdún quedó en o Sacro Imperio Román-Chermanico.

O territorio de Borgonya sufrió muitos cambeyos de muga y divisions. A part occidental esdevinió o Ducato de Borgonya, que con o tiempo quedó en mans d'os Capetos, y rematará adhibindo-se a lo dominio reyal d'os reis de Francia. A part oriental esdevinió o Condato de Borgonya y dimpués Franco Condato (Condato Libre) pasará a mans d'os Habsburgo y fará parte d'o Imperio Espanyol.

Os duques de Borgonya aproveitoron a segunda fase d'a Guerra d'os Cien Anyos pa prener o control de muitos territorios entre o Reino de Francia y o Sacro Imperio Román-Chermanico. En o reinato de Loís XI de Francia se produce una luita contra Carlos o Temerario, duque de Borgonya. A la muerte de Carlos o Temerario o rei s'anexiona a lo dominio reyal o ducato de Borgonya, Artois y Picardía. Manimenos a sucesión d'a casa de Borgonya pasa a los Habsburgo por o matrimonio d'a filla de Carlos o Temerario con Maximilián d'Austria en 1477.

Bibliografía

• Felipe Fernández-Armesto. LOS HIJOS DE ZEUS. PUEBLOS, ETNIAS Y CULTURAS DE EUROPA. 1996 Grijalbo.
• Jean Sellier. ATLAS DE LOS PUEBLOS DE EUROPA OCCIDENTAL. Editorial Paidós.