Benimarins
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os Benimarins estioron una dinastía d'orichen zanata que creyó un poderoso imperio en o norte d'Africa.
| Benimarins Imrinen المرينيون | ||||
| ||||
| ||||
 | ||||
| Capital | Fez | |||
| Idioma oficial • Atros idiomas |
Arabe Luengas berbers y mozarabe | |||
| Relichión | Islam sunnita | |||
| Gubierno | Monarquía | |||
| • Formación | 1215 | |||
| • Desaparición | 1465 | |||
| Moneda | Dinar | |||
.svg){kind=small}
O verdadero fundador d'a dinastía estió Abu Yusuf Ya'qub, que en 1269 conquirió Marráquex, capital d'os Almuades. Tamién fundó Fez a Nueva, costruyó o recinto amurallau y os barrios d'os funcionarios y d'a milicia cristiana, amés d'o palacio. O barrio chodigo, tamién amurallau, yera baixo a protección d'o soldán.
O rei nazarín de Granada, Mamad II demandó l'aduya d'o soldán de Fez contra o Reino de Castiella dando-li en pagas Alchezira d'Alfadra y Tarifa y comprometendo-se a abastir o suyo exercito.
En 1275 Abu Yusuf desembarcó en Tarifa y derrotó a los cristianos, o que yera una amenaza contra Sevilla y Cordoba. O soldán adrezó atrás dos expedicions a favor d'os nazarins pero sin resultaus practicos. Abu Yaqub Yusuf, fillo de l'anterior no podió impedir que Sancho IV conquerise Tarifa.
Abu-l-Hasan estió o mes grant sobirán Benimarín. En 1333 prenió Chibraltar a los cristianos, pero siet anyos dimpués fue derrotau en a Batalla del Salado por Alfonso XI. En Africa prenió Termizén, a on que recibiba l'homenache d'o soldán mameluco d'Echipto y d'o rei de Sudán, marchó a aduyar a los Hafsís de Túniz, pero fue derrotau en Kairuán en 1348. Tornó t'Alcher, on yera o suyo fillo usurpando-li o trono (1349) y morió en 1351 mientres prebaba de recuperar-lo.
Abu Inan reconquirió Termizén y Bochía y dirichió una expedición por Alcheria y Tunicia, pero s'habió de retirar ta Fez. O suyo visir al Hasen b Umar lo mató, convertindo-se en o verdadero duenyo d'o Norte d'Africa. O zaguer soldán benimarín estió Abd al Haqq, asasinau en 1465, alavez a dinastía d'os wattsís reemplazó a la dinastía benimarín.
Relichión
editarA diferencia d'os almurabiz y d'os almuades os benimarins no facioron garra reforma relichiosa. O movimiento relichioso d'as confrairías, encomenzau por os almuades se mantenió. En tiempos d'os benimarins prenió importancia o culto a los santos, estanto muito numerosos os morabitz.
Datos: Q582861
Multimedia: Marinid dynasty / Q582861
