Belize (d'antis mas conoixito como Honduras Britanica) ye una monarquía constitucional, y o país y estato situato mas a o norte d'America Central. Belize tien una sociedat prou diversa, mezclando-se-ie a-saber-las culturas y luengas. Belize ye l'unico país d'America Central a on l'anglés ye luenga oficial. Muga a o norte con Mexico, a o sud y a l'ueste con Guatemala, y a l'este con a Mar Caribe. O territorio continental de Belize tien una largaria de 289 kilometros y una amplaria de 109 kilometros.

Commonwealth of Belize
Bandera d'a Belize Escudo d'a Belize
(En detalle) (En detalle)
Lema nacional: Sub Umbra Floreo («A la uembra floreixco» en latín)
Himno nacional: Land of the Free
Situación d'a Belize
Capital
 • Población
Belmopan
8.130
Mayor ciudat Ciudat de Belice
Idiomas oficials Anglés
Forma de gubierno Monarquía constitucional
Isabel II
Froyla Tzalam
Johnny Briceño
Independencia d'o Reino Uniu
21 de setiembre de 1981
Superficie
 • Total
 • % augua
Posición 146º
22.966 km²
0,7%
Población
 • Total (2010)
 • Densidat
Posición 176º
314.522
12,2 hab/km²
PIB (PPA)
 • Total (2005)
 • PIB per capita
Posición 92º
US$ 2.046 millons
US$ 7.635
Moneda Dólar de Belize (BZD)
Chentilicio
Zona horaria UTC-6
Dominio d'Internet .bz
Codigo telefonico +501
Prefixo radiofonico V3A-V3Z
Codigo ISO 084 / BLZ / BZ
Miembro de: OEA, ONU, CARICOM

Con una superficie de 22.960 km² y una población de nomás 333.200 habitants (seguntes estimacions de 2010),[1] Belize tien a menor densidat de población de toda America Central.[2] A tasa de creiximiento d'a población d'o país ye de 2.21% (2008 est.),[3] menimenos, ye a mayor en a rechión y una d'as mayors d'o hemisferio occidental. A gran abundancia de especies terrestres y marinas en Belize, y a suya diversidat d'ecosistemas fan que sía una pieza clau d'o Corredor Biolochico Mesoamerican.[4]

Belize ye culturalment unica entre os suyos vecins centroamericans; ye a una nación en a rechión que tien un herencio cultural britanico. Como parti d'a zona d'a Caribe Occidental, manimenos, tien tamién un patrimonio cultural caribenyo en común con a resta de países de Centroamerica. Por un regular, Belize se considera como una nación centroamericana con fuertes lazos d'unión tanto con a Caribe como con Latinamerica. Belize ye miembro d'a Comunidat d'a Caribe (CARICOM), y de El Sistema de la Integración Centroamericana (SICA).

CheografíaEditar

 
Mapa de Belize.

Situato en a costa norte de Centroamerica, muga a o norte con o estato mexicano de Quintana Roo, a l'ueste con o departamento guatemalteco de Petén, a l'este con a mar Caribe, y a o sud con o departamento guatemalteco d'Izabal. A superficie total ye de 22.960 km², que se veye reducito a 21.400 km² por l'abundancia de lacunas.

O norte de Belize ye formato mas que mas de planas costeras y pantanosas, densament repoblatas en bells puestos. Enta o sud se troba a cadena montanyosa baixa d'as Montanyas Maya, d'as que o punto mas alto en Belize ye o Bec Victoria a 1.160 metros d'altaria. Belize se troba situata entre os ríos Hondo y Sarstoon, con o río de Belize travesando o centro d'o país. A o largo de toda a costa d'a Caribe se troban arrecifes de coral. Se i troba a barrera de corals de Belize, que fa parti d'o Patrimonio Mundial d'a Humanidat, y que ye amás luenga d'o hemisferio occidental y a segunda mas luenga d'o mundo dimpués d'a Gran Barrera de Coral d'Australia.

Divisions administrativasEditar

 
Districtos de Belize.

Administrativament, o estato s'organiza en 6 districtos.

  1. Districto de Belize.
  2. Districto de Cayo.
  3. Districto de Corozal.
  4. Districto d'Orange Walk.
  5. Districto de Stann Creek.
  6. Districto de Toledo.

Istos districtos se dividen a la vegada en 31 circunscripcions.

ReferenciasEditar

  1. (en) Infolink Production Center (1 d'abril de 2007). "Statistical Institute of Belize". Statisticsbelize.org.bz. http://www.statisticsbelize.org.bz. Retrieved 29 August 2010. 
  2. (en) "World Population Prospects: The 2008 Revision Population Database". United Nations. 11 de marzo de 2009. http://esa.un.org/unpp/. Retrieved 29 August 2010. 
  3. (en) "Belize". The World Factbook. Central Intelligence Agency. https://www.cia.gov/library/publications/the-world-factbook/geos/bh.html. Retrieved 9 September 2008. 
  4. (en) biological-diversity.info


Estatos d'America Central
Belize | Costa Rica | El Salvador | Guatemala | Honduras | Nicaragua | Panamá


Estaus d'America d'o Norte
Antigua y Barbuda | Bahamas | Barbados | Belize | Canadá | Chamaica | Costa Rica | Cuba | Dominica | Republica Dominicana | El Salvador | Estaus Unius | Grenada | Guatemala | Haití | Honduras | Mexico | Nicaragua | Panamá | Sant Cristofo y Nieus | Santa Lucía | Sant Vicent y as Granadinas | Trinidad y Tobago
Dependencias: Anguila | Aruba | Bermudas | Islas Virchens Britanicas | Islas Caimán | Clipperton | Curaçao | Gronlandia | Guadalupe | Martinica | Montserrat | Isla Navassa | Puerto Rico | Saint-Barthélemy | Saint-Martin | Saint-Pierre y Miquelon | Sint Maarten | Islas Turcas y Caicos | Islas Virchens d'os Estaus Unius