Bedazzled (cinta de 2000)
- Iste articlo ye sobre una cinta de comedia fantastica romantica estausunidense de l'anyo 2000; ta atros usos, se veiga Bedazzled.
Bedazzled (títol orichinal en anglés, en aragonés Enlucernau, enguerada en Aragón con o títol en castellano de Al diablo con el diablo, en aragonés Liza larga con o diaple) ye una cinta enguerada l'anyo 2000 de cine de comedia fantastico-comica coproducida por o cine estausunidense y lo cine alemán, dirichida por Harold Ramis seguntes un guión adaptau por Larry Gelbart, Harold Ramis y Peter Tolan (basau en o guión orichinal ta Bedazzled escrito por Peter Cook y Dudley Moore, en una cinta de 1967 dirichida por Stanley Donen), con una banda sonora orichinal de David Newman, una dirección de fotografía de Bill Pope, una producción cinematografica de Trevor Albert y Harold Ramis ta las productoras Regency Enterprises y Kirch Media y con un elenco d'actors composau por Brendan Fraser, Elizabeth Hurley, Frances O'Connor, Orlando Jones, Paul Adelstein, Toby Huss, Miriam Shor, Gabriel Casseus, Brian Doyle-Murray, Jeff Doucette, Aaron Lustig, Rudolf Martin y Julian Firth, entre d'atros.
O Diaple, bien moderno, emplega programas informaticos ta analizar a las suyas posibles victimas y lo programa ha identificau una: Elliot Richards, un emplegau masiau buena persona en una chichota empresa d'informatica de San Francisco, que no tien novia ni amigos y a qui los suyos companyeros de treballo preban d'evitar. Ye enamorau d'una companyera de treballo, Alison Gardner, pero li cal valor ta convitar-la a festechar. Bel día coincide con ella en un bar pero Alison marcha y los suyos companyeros de treballo tamién y Elliot queda solo. Alavez piensa en voz alta que daría cualsiquier cosa ta que Alison sía la suya novia. Alavez aparixe una maraviellosa y polidisma muller que li diz que ye lo Diaple y que li ufre de conceder-le siet deseyos a cambio d'a suya alma. Finalment Elliot accepta y prencipia a demanar deseyos, encara que istos mai no son exactament con él preixinaba.
A cinta s'ambienta en a suya epoca actual (2000) en a ciudat de San Francisco, y las suyas escenas se rodoron en Arcadia, Inglewood, Long Beach, Los Angeles, Malibu, Montecito, San Francisco y Santa Barbara en California en os Estaus Unius y en Londres en o Gran Londres en o Reino Uniu, amás d'en os Century Fox Studios en Century City en California.[2]
Bedazzled ha recibiu bels premios y nominacions, pero garra d'éls no perteneixe a los premios cnematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 (en) Enguero de Bedazzled en Internet Movie Database.
- ↑ (en) Localizacions de Bedazzled en Internet Movie Database.
- ↑ (en) Bedazzled en Internet Movie Database.
Vinclos externos
editar- (en) Bedazzled en Internet Movie Database.
- (en) Bedazzled en AllMovie.
- (en) Bedazzled en TCM Movie.
- (en) Bedazzled en l'American Film Institute Catalog de l'American Film Institute.
- (en) Bedazzled en Box Office Mojo.
- (en) Bedazzled en Metacritic.
- (en) Bedazzled en Rotten Tomatoes.
Datos: Q464252
