Flash flood

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una flash flood significa en anglés literalment "inundación lampedo", ye una inundación rapida en fondonadas, tierras baixas, barrancos, ramblas, torrents en cheneral, ríos, a causa d'una tronada, huracán, deschelo rapido u causas humanas. As inundacions lampedo u flash floods se distinguen d'as inundacions normals por una escala temporal menor de seis horas. Son comuns en os barrancos, garonas y torrents en cheneral d'os Pireneus. En aragonés u catalán occidental son conoixitas como "barrancadas" y barrancades. Atra parola aplicable a las flash floods en cursos d'augua ye garonada. En benasqués tamién tenemos a parola botinada pa dicir o frent d'una creixida que baixa por un cauz seco u que s'anyade a atra corrient por puyar de sopetón o cabal.

Una barrancada dimpués d'una tronada en o Desierto d'o Gobi, Mongolia.

En os hidrogramas de creixida d'as barrancadas se veye un periodo de respuesta dende a caita d'as precipitacions dica l'inte cuan s'observa o cabal punta u maximo de pocos minutos, y esto no permite fer sistemas d'alerta eficients pa os plans d'evacuación.

En a zona prepirenenca as barrancadas dimpués d'una tronada se producen de sopetón auguas enta baixo, con un tiempo de respuesta breu, como se desvinió o 7 d'agosto de 1996 a las 19:00 horas en Biescas cuan cayó una precipitación de 160 l/m2 en 45 minutos y l'augua s'entibó en os barrancos de Sía, Betés, y Arás por a existencia en o suyo cauz de piedras y ramas y dimpués baixó a una velocidat de 4 m/s inundando o camping de las Nieves, que yera en un cono de dechección con materials sedimentaus d'atra barrancada pareixita 50 anyadas enantes.

Referencias

• Datos: Q860333
• Multimedia: Flash floods / Q860333