Acido
(Reendrezau dende Azeto)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un acido (d'o latín acidus) ye un compuesto quimico que presenta una serie de propiedaz que permiten reconoixer-lo. Robert Boyle y Antoine Laurent Lavoisier estioron os primers quimicos que detalloron as propiedaz d'os acidos, que son:
- As disolucions acuosas d'os acidos tienen sabor agra, como por eixemplo lo vinagre u o suco de limón.
- Os acidos presentan a propiedat de cambiar a color de colorants naturals. Por eixemplo, lo tornasol, una substancia que se quita d'os líquens, prene coloración royenca en disolucions d'acidos. Os colorants d'o mosto d'uga, o extracto de col lombarda, etc. tamién cambeyan de color en contacto con un acido.
- Si un acido se mete en contacto con un carbonato, como por eixemplo lo carbonato de calcio, CaCO3, u o carbonato de sodio, Na2CO3, a disolución produce muitas bombollas, ye en efervescencia, debito a la liberación de dioxido de carbonio, CO2.
- As disolucions acuosas d'os acidos reaccionan con muitos metals, como por eixemplo lo sen u o magnesio, producindo hidrocheno que gorgolla a traviés d'a disolución.
- Si os acidos reaccionan con alcalins se neutralizan as propiedaz d'os dos. Asinas si se fa reaccionar una disolución d'acido clorhidrico con una d'hidroxido de sodio, en as proporcions correctas, s'obtiene una disolución de cloruro de sodio.
- En disolver-sen en augua, dan ions d'hidrocheno H+.
