Astrolochía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L' Astrolochía ye un conchunto de tradicions y creyencias que sostienen que a posición d'os cuerpos celestes aporta informacions que permiten d'analizar u de predecir escayeiximientos humans, colectivos u individuals.

Os signos d'o Zodiaco en una representación europea d'o sieglo XVI.

Bi ha diferents tradicions astrolochicas. L'astrolochía conoix en occident se puet considerar una pervivencia pagana que sobrevivió a la cristianización, y feba part d'a ciencia d'os griegos aleixandrins, que replegaba una tradición que se remonta a astrolochía echipcia y babilonia.

Con a naixiencia d'a ciencia experimental moderna l'astrolochía s'ha convertito en o que os cientificos consideran una pseudosciencia.

Mencions a l'astrolochía en fuents aragonesas

En a Edat Meya l'astrolochía teneba una buena consideración, y en bels textos medievals aragoneses, sobre tot as traduccions heredianas, podemos trobar referencias a astrologos, estrologos, estrologianos y a l' astrología (a g representa o fonema d'a ch en a ortografía medieval.

Astrolochía, Etimolochía y Teolochía son as solas palabras compuestas con a palabra -lochía que trobamos en textos aragoneses medievals. As formas con xeada tipo astroloxía, etimoloxía, teoloxía son de l'aragonés escrito de fins d'o sieglo XX y producto de malas adaptacions a l'aragonés ("neoaragonés") baixo a creyencia erronia que prenendo una palabra castellana con j se fa aragonesa cambiando a j por a x.

Referencias

• Datos: Q34362
• Multimedia: Astrology / Q34362