Arnau de Peralta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Arnau de Peralta | |
|---|---|
| Bispe de Valencia y Zaragoza | |
| 25 d'agosto de 1248 – Chulio de 1271 | |
| Predecesor | Rodrigo d'Ahonés |
| Succesor | Sancho de Peralta |
| 1 de chunio de 1243 – 25 d'agosto de 1248 | |
| Predecesor | Ferrer de Pallarés |
| Succesor | Andreu d'Albalat |
| Naixencia | ? Peralta de la Sal
|
| Muerte | 1271 Zaragoza
|
| Enterreco | ? |
Arnau de Peralta estió un relichioso catolico aragonés que exerció como bispe de Valencia dende 1243 dica 1248 y como bispe de Zaragoza dende 1248 dica a suya muerte en 1271. Tamién estió consellero d'o rei Chaime I d'Aragón y diplomatico.[1][2]
Biografía
editarD'o linache ribagorzano d'os Peralta, yera orichinario d'o nord-este d'Aragón y se creye que naixó de Peralta de la Sal, en a comarca aragonesa de Litera.[3] Mientres bels anyos estió archidiacono d'a seu de Leida. En 1243 o bispe de Valencia, Ferrer de Pallarés, fue asasinau por unos musulmans en o puerto de Balaguer, por lo que a siede quedó vacant. D'alcuerdo a os privilechios que poseyeban os canonches catedralicios, se designoron a compromisarios ta trigar a o nuevo bispe. L'1 de chunio de 1242 Arnau de Peralta fue elechiu como bispe de Valencia, elección que fue confirmada por bula papal d'Inocencio IV, datada en León del Roine o 26 de chunio. O prencipio d'o suyo pontificato coincidió con a fin d'a conquiesta d'o sud d'o reino de Valencia por Chaime I.[1][4][5] Peralta fació parti d'a disputa sobre a siede de Segorb, que heba estau nombrada siede episcopal inmediatament dimpués d'a reconquiesta por o obispo Ximeno d'Albarracín, que s'heba tresladau astí. Isto li trayió a enemistat de Peralta, habendo a Santa Siede de dirimir a cuestión en alcordar a fusión d'as siedes de Segorb y Albarracín en 1259, que fuoron declaradas siedes distintas, pero unidas, situación en que se troboron dica 1577 en que se deseparoron definitivament.[6][7]
Arnau de Peralta concedió privilechios a las órdens relichiosas debiu a la escasez de clerigos en o recient creyau reino. Istos privilechios les permitiban recibir legaus y apedecar en os suyos fosals a qui lo deseyaran. Recient prencipiau o suyo pontificato, celebró un sinodo diocesano con a fin de vigorizar la disciplina eclesiastica y consolidar as estructuras diocesanas. Tamién asistió a o V concilio de Tarragona de l'1 de mayo de 1246.[1]
Mientres o suyo pontificato se construyiron muitas ilesias en Valencia; belunas sustituyiban a anteriors mezquitas, que fuoron sustituyidas por templos catolicos. Reorganizó a diocesi, creyando doce pavordías y l'archidiaconato d'Exativa. Cansau por as dificultaz d'a convivencia con os musulmans en valencia, solicitó y obtenió o treslado ta la diocesis de Zaragoza, vacant por a muerte de Rodrigo d'Ahonés. A Santa Siede, en cartas apostolicas entregadas o 24 d'octubre de 1248, con calendata d'o 25 d'agosto, confirmó o nombramiento.[1][4] Mientres o suyo pontificato en Zaragoza fue martirizau Sant Dominguito de Val (1243–1250) o 31 d'agosto de 1250. Arnau de Peralta murió en Zaragoza en chulio de 1271, estando o suyo succesor Sancho de Peralta.[8]
Referencias
editar- ↑ 1,0 1,1 1,2 1,3 (es) Arnau de Peralta. Diccionario Biográfico Español. Arturo Llin Cháfer. Real Academia de la Historia
- ↑ (es) Peralta, Arnaldo de. Gran Enciclopedia Aragonesa
- ↑ (ca) Arnau de Peralta. Gran Enciclopedia Catalana
- ↑ 4,0 4,1 (en) Bishop Arnaldo de Peralta † en catholic-hierarchy.org
- ↑ (es) D. Arnaldo de Peralta (1243-1248). Archidiocesi de Valencia. Arturo Llin Cháfer
- ↑ (es) "Gran Enciclopedia Temática de la Comunidad Valenciana". Editorial Prensa Valenciana, 2009. Vol. Geografía, cap. Segorbe
- ↑ (es) El obsipo de Valencia Arnaldo de Peralta, 104-121, Cervantes Virtual.
- ↑ (en) de Peralta en GCatholic.org.
Vinclos externos
editar| Predecesor: Ferrer de Pallarés |
Bispe de Valencia 1243–1248 |
Succesor: Andreu d'Albalat |
| Predecesor: Rodrigo d'Ahonés |
Bispe de Zaragoza 1248-1271 |
Succesor: Sancho de Peralta |
Datos: Q4794471
