Abrir menú principal
Angela Roy
Angela Roy 1.jpg
Información personal
Calendata naiximiento: 24 de chunio de 1957
Puesto naiximiento: Flag of Germany.svg Hamburgo

Angela Roy, naixita o 24 de chunio de 1957 d'Hamburgo como Angela Giesen, ye una actriz y directora alemana.

BiografíaEditar

Angela Roy procede d'una familia d'artistas. Os suyos pais estioron acrobatas y viachoron arredol d'o mundo chunto con atro companyero formando lo Iris Roy Trio. Por ixo tamién a suya filla tenió que cambear de casa y de ciudat muito a sobén dende os onze anyos d'edat. Ye a razón por la que Angela ha tenito muita facilidat ta l'aprendizache d'idiomas, aprendendo a charrar diferents luengas europeas (entre ellas tres escandinavas), d'istas encara charra hue l'anglés, o francés, o italián y o castellán.

Angela Roy fació lo bachillerato en Hamburgo. Dimpués estudeó ballet, canto y coreografía. Remató a suya formación academica como actriz en a Royal Academy of Dramatic Art de Londres. A más fació los examens oficials de traductora d'inglés y alemán. Finalizó los suyos estudeyos treballando como coreografa ta Pia Zadora.

Como actriz de teatro ha actuato en Londres y dimpués en a Bayerisches Staatsschauspiel, o Münchner Volkstheater y o Hamburger Kammerspiele. En l'anyo 1998 dirichió a suya primera obra de teatro, Play it again Brecht, en o Teatro Cuvilliés de Múnich. Su carrera en a televisión prencipió con un papel en as series Zwei Brüder y Aus heiterem Himmel. En 2004 presentó os Premios d'a Televisión alemana y actuó en a cinta de televisión Kalter Frühling de Dominik Graf. Entre noviembre de 2006 y octubre de 2007 actuó en un d'os papels prencipals d'a telenovela Rote Rosen. Dende chulio de 2009 tien un papel prencipal en a serie Geld.Macht.Liebe d'a cadena alemana ARD.

Angela Roy tien una filla y vive dende agüerro de 2002 en a suya ciudat natal, Hamburgo (en o vico de Barmbek). Ye miembro d'a Deutsche Filmakademie, l'academia de cine alemán.

Filmografía (Selección)Editar

Cintas de cine (Selección)Editar

  • 1991: L'Ange déchu
  • 1996: Für immer und immer (Director: Hark Bohm)
  • 2000: Rillenfieber (Director: Patrick Tauss)
  • 2004: Die Unsichtbare (Corto)
  • 2004: Maria an Callas
  • 2005: Carrick Mor (Corto)

Treballo en o teatro (selección)Editar

Obras de teatroEditar

Obras dirichitasEditar

  • 1998: Play it again Brecht – Teatro Cuvilliés de Múnich

Vinclos externosEditar