Ana Giménez

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ana Giménez Betrán
Información personal
Calendata de naixencia	1968
Puesto de naixencia	Uesca (Plana de Uesca, Aragón)
Alma Máter	Universidat de Zaragoza
Ocupación	Escritora Profesora d'Educación Secundaria

Ana Giménez Betrán (Uesca, 1968). Licenciada en Filosofía y Letras por a Universidat de Zaragoza y profesora de Educación Secundaria dende 1996, actualment exerce a suya profesión en Uesca, do fa clases de Luenga castellana y Literatura. Como filologa ye autora d'os articlos: "Apara l'oído y beyerás as cosas claramén" (1994), “Bellas aportazions a la toponimia d'Aratorés” (1999), "Tres fitos d'a bida: una cosmobisión aragonesa" (2000) u "Reloch de pocha no ye solo una nobela" (2011-2012).

Ye miembro d'o Consello d'a Fabla Aragonesa. A suya relación con l'aragonés se remonta ta zagueros d'os anyos 1980 y abrarca muitos aspectos, dende la amostranza dica os prochectos educativos per medio de cursos y seminarios, pasando por treballos pa medios de comunicación y, per último, a creyación literaria. Escribe en aragonés común.

En iste, ha publicato dos novelas, todas dos de ambientación historica, que recibioron senglos premios en certamens literarios. La uno, en 2000 uno d'os accésits d'o premio que convoca o Concello de Lo Grau, por o relato Ixos tiempos güegatizos, y en 2005 o VII Premio Internacional de Novela Curta “Chusé Coarasa”, con a novela historica Palestra.

En relato curto destacamos as obretas Foratos (2007), a historia d'un cabo de carabiners en a Cerdanya, Esquite (2011) un relato feminista y ADN premio de Relatos "Luis del Val" en 2013.

Obra

Relato curto

• 2007: Foratos.
• 2011: Esquite.
• 2013: ADN, premio de Relatos "Luis del Val" en .

Novela

• 2000: Ixos tiempos güegatizos, premio Concello de Lo Grau.
• 2005: Palestra, premio internacional de novela curta “Chusé Coarasa” de 2005.
• 2014: Entreautos, VIII premio de novela curta "Ziudá de Balbastro".

Vinclos externos

• Biografía de Ana Giménez en a pachina web de Gara edizions.

• Datos: Q13048370