40 grados a la sombra
40 grados a la sombra (títol orichinal en castellano, en aragonés 40 graus a la uembra, enguerada en Aragón con o suyo títol orichinal) ye una cinta de cine de comedia coproducida por o cine espanyol y lo cine archentino enguerada l'anyo 1967, dirichida por Mariano Ozores seguntes un guión orichinal d'Elena Tarche, lo mesmo Mariano Ozores y Alfonso Paso, con una banda sonora orichinal de Guillermo Teruel, una dirección de fotografía de Vicente Minaya y una producción cinematografica de Néstor Gaffet ta las productoras Cinehit y Productores Exhibidores Films Sociedad Anónima. L'elenco d'a cinta ye formau, en os suyos papels principals, por os actors Gracita Morales, Antonio Ozores, Manuel Velasco, Xan das Bolas, Rafael Hernández, Vicente Roca, José Manuel Martín, Julio Riscal, Alfredo Landa, Erika Wallner, Julieta Serrano, Laly Soldevila, Luis Rivera, Venancio Muro, José Luis Carbonell, José Luis López Vázquez, Perla Cristal, Goyo Lebrero, Rogelio Madrid, Mario Morales, Ana María Morales, Paloma Cela, Lourdes Albert y Claudine Coppin.
A cinta sigue as peripecias d'unas familias en vacanzas; en a primera Jacinto ha ninviau a su muller a Benidorm y conta con disfrutar d'a suya soledat de cuasi que soltero en a ciudat de Madrit, a on contina treballado. En a segunda, Máximo marcha con su muller y su cunyada a una casa en a montanya, a on preba de gallar con una vecina sora. Y en a tercera, formada por Filomena y Evaristo, marchan de vacanzas enta la placha, a on troban a una atra parella que los aculle con éls en saber que Evaristo conduz a grúa municipal de Madrit.
A cinta s'ambienta en a suya epoca actual (1967) en Madrit y Benidorm y las suyas escenas se filmoron en Becerril de la Sierra, Collado Villalba y Navacerrada en a Comunidat de Madrit y en Benidorm en a provincia d'Alicant en o País Valenciano.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q20977999
