Zuqueta

una ferramienta agricola
(Reendrezau dende Zoqueta)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre as zuquetas. Ta o pelo facial se veiga zoqueta (barba)

A zuqueta u zoqueta[1] (d'a radiz celta <*TSUCC[2]) ye una ferramienta agricola que s'emplega ta guardar os didos contra eventuals tallos mientres se siega manualment. Se mete en a man contraria a aquella con a cual se manulla la falz u cualsiquier atra ferramienta de corte.

Zoquetas, por debant y por dezaga.

Tradicionalment, se feban de madera. As formas mas comuns protechen os tres didos centrals d'a mano, u os cuatro no oposables, y deixan o dido pulgar libre ta subchectar as garbas mientres, con l'atra man, se siegan con a falz. Bels disenyos incluyen, a demás, dos foradez ta fer-ie pasar un cordelet que sirven ta ligar a zoqueta a la monyeca de a mesma man con a cual se fa servir a protección. Isto l'asegura y garantiza que no caiga mientres se treballa con ella.

Etimolochía editar

A parola zoqueta ye un celtismo que dimana d'una radiz <*TSUCC, que tamién ye present en as parolas zoca, zuca u zueca, un toponimo frecuent que fa referencia a montanyas con a punta triangular u piramidal.

Imáchens editar

Referencias editar

  1. (es) José Carlos López Dieste: Vocabulario aragonés de Villanueva de Gállego (Bajo Gállego, Zaragoza), Xordica Editorial, 2010, ISBN 978-84-96457-62-1, p.105
  2. (es) Voz «Zoqueta» en a edición en linia d'o Diccionario de la Real Academia Española; consultau o 8 de chunio de 2012.