Chirmans Wright

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Anque os treballos que se facioron ta desarrollar o primer avión tripulato los realizoron de forma simultania diversos investigadors y inventors, se considera a los chirmans nordamericanos Orville e Wilbur Wright, fabricants de bicicletas que treballoron chuntos en o desembolique de l'aeronautica, como los inventors d'o primer avión practico que voló. O suyo primer vuelo estió lo 17 d'aviento de 1903, en Kitty Hawk, en o Flyer I.

Fotografía orichinal d'o primer vuelo con motor d'a historia. En l'avión Orville Wright; a la dreita, o suyo chirmán Wilbur. 1923

Realment a suya gran aportación a lo vuelo estió lo control de chiro por meyo d'os alerons. Dica allora os avions existents yeran dificils de controlar porque no s'heba considerato que yera menester enclinar as alas ta cambear d'endreza.

Facioron volar controladament un aeroplán de 350 Kg., construito con os pesatos materials d'a epoca, con un motor de nomás 19 caballos (actualment un ULM pareixito,de 200 Kg., vola con 50 caballos.). Ye important recordar que tamién habioron d'aprender a pilotar y mui bien, porque as reproduccions actuals d'o Flyer I volan con dificultat en mans d'expertos pilotos.

Articlos relacionatos

• Orville Wright (1871-1948).
• Wilbur Wright (1867-1912).
• Historia de l'aeronautica.
• Aeronautica.

Vinclos externos

• (en) The Pioneer Aviation Group web site
• (en) Telegram from Orville Wright in Kitty Hawk, North Carolina, to His Father Announcing Four Successful Flights, 1903 December 17

• Datos: Q35820
• Multimedia: Wright brothers / Q35820