Fibrocimento

O fibrocimento^[1] u fibrocemento^[1], conoixito tamién a sobén y popularment como uralita^[1] por estar comercializau en Espanya principalment por a empresa Uralita, ye un material de construcción impermeable, desusau en l'actualidat, formau por cimento y una bastida de fibras d'amianto que le sirve ta refuerzo.

Por as suyas propiedaz d'impermeabilidat y poco peso, s'emplegaba ta fer tolas ta cubillar tellaus, canyos, canyerías, canaleras, conduccions d'augua y tiestos.

Por o conteniu en amianto que tiene, causa de numerosos problemas de salut, comenzó a deixar d'usar-se en nuevas construccions en os anyos 1990. Manimenos, s'emplegó muito dende os anyos 1960 y encara en queda en muitos edificios actuals construius en a segunda metat d'o sieglo XX.

Se veiga tamién

Datos: Q1316289
Multimedia: Fibre cement / Q1316289

↑ ^1,0 ^1,1 ^1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[DORTO-1] 1,0 ^1,1 ^1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[1]