Under Suspicion (cinta de 2000)
- Iste articlo ye sobre una cinta d'intriga policial franco-estausunidense de l'anyo 2000; ta atros usos, se veiga 'Under Suspicion y Under Suspicion (cinta).
Under Suspicion (títol orichinal en anglés, en argonés Baixo sospeita, enguerada en Aragón con suyo títol traduciu enta lo castellano como Bajo sospecha) ya una cinta de cine estausunidense de cine d'intriga policiaca de l'anyo 2000 dirichida por Stephen Hopkins seguntes un guión adaptau por Tom Provost y W. Peter Iliff (basau en Brainwash, una novela publicada por John Wainwright y en Garde à vue, una cinta con guión cinematografico de Claude Miller, Jean Herman y Michel Audiard. Conta con una banda sonora orichinal de BT, una dirección de fotografía de Peter Levy, una producción cinematografica de Gene Hackman, Morgan Freeman, Lori McCreary, Anne Marie Gillen y Stephen Hopkins ta las productoras Revelations Entertainment y TF1 International y un elenco que se composa de Gene Hackman, Morgan Freeman, Thomas Jane, Monica Bellucci, Nydia Caro, Miguel Ángel Suárez, Pablo Cunqueiro, Isabel Algaze, Jacqueline Duprey, Luis Caballero, Patricia Beato, Soledad Esponda, Hector Travieso y Marisol Calero, entre d'atros actors.
Henry Hearst ye un cabalero avogau en San Juan, en Puerto Rico. Ye amán de fer un discurso en una ceremonia ta recaudar fondos, pero lo claman a marchar enta la comisaría de Policía en relación con una nina a qui han violau y asasinau. Qui l'interroga ye un antigo conoixiu d'él, Victor Benezet, y poquet a poquet a mesura que abanza l'interrogatorio conoixemos mas informacions. Qui heba trobau a la victima yera Hearst, pero la versión que fa d'os escaicimientos resulta no coincidir con as afirmacions d'atros testigos, y Hearst modifica de contino las suyas informacions cada vegada que las li contradicen. Tamién conoixemos que bi heba habiu una atra victima anterior a on l'asasino heba actuau de forma similar. Y que Hearst no tien relacions sexuals con a suya muller, a qui cuasi li triplica la edat, y que busca sexo pagau con prostitutas, esleyindo amás simepre a las prostitutas con aspecto mas aninau. Hearst remata reconoixendo que ye un pederasta y, sometiu a una gran presión, finalment dz haber estau él qui asasinó a las dos ninas.
A cinta s'ambienta en a suya epoca actual (2000) en San Juan, en Puerto Rico, y las suyas escenas se filmoron en ixa mesma ciudat.[2]
Ye una cinta que ha recibiu bels premios u nominacions, encara que garra d'istos premios no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero d'Under Suspicion en Internet Movie Database.
- ↑ (en) Enguero d'Under Suspicion en Internet Movie Database.
- ↑ (en) Under Suspicion en Internet Movie Database.
Datos: Q1475259
