Triache

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O triache^[1] (d'o francés triage "gribache"^[2]) ye lo proceso de determinar a prioridat d'os tractamientos d'os pacients sobre la base d'a gravedat d'a suya condición. Ista selección d'o tractamiento d'o pacient de forma eficient se da cuan os recursos son insuficients pa que toz pueda estar tractau d'immediato. A selección puede dar puesto a la determinación de l'orden y prioridat de tractamiento d'emerchencia, l'orden y la prioridat d'o transporte d'emerchencia, u lo destín d'o transporte pa lo pacient.

O triache simple per un regular se fa servir en a escena d'un accident con gran cantidat de victimas pa clasificar a los pacients en aquels que amenestan ficacio critica y transporte immediato a lo hespital y aquels con lesions menos grieus. Iste paso se puede encomenzar antis de que lo transporte sía disponible.

Una vegada completada l'avaluación inicial per parti de medicos, enfermeras u personal paramedico, se puede etiquetar a cada pacient per meyo de cinta de sinyalización de colors, con rotuladors u con tarchetas preimpresas.

O termin triache puede haber-se orichinau mientres as Guerras Napoleonicas per o treballo de Dominique Jean Larrey. O termin estió emplegau posteriorment mientres a Primera Guerra Mundial per os medicos franceses que tractaban a los ferius d'o campo de batalla en o puesto de socorro dezaga d'o frent.^[3]

Referencias

↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
↑ (fr) triage en o diccionario Larousse
↑ (en) Chipman M, Hackley BE, Spencer TS «Triage of mass casualties: concepts for coping with mixed battlefield injuries». Mil Med, 145, 2, 1980, pàg. 99–100. PMID 6768037.

Datos: Q780067
Multimedia: Triage / Q780067

[1] (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.

[2] (fr) triage en o diccionario Larousse

[3] (en) Chipman M, Hackley BE, Spencer TS «Triage of mass casualties: concepts for coping with mixed battlefield injuries». Mil Med, 145, 2, 1980, pàg. 99–100. PMID 6768037.

[1]

[2]

[3]