Trading Places

Trading Places
Títol	Trading Places
Póster d'a cinta.
Ficha tecnica
Dirección	John Landis
Aduyant de dirección	David Sosna Joseph Ray
Producción	Aaron Russo
Disenyo de producción	Gene Rudolf
Guión orichinal	Timothy Harris Herschel Weingrod
Musica	Elmer Bernstein
Fotografía	Robert Paynter
Montache	Malcolm Campbell
Escenografía	George DeTitta Jr. George DeTitta Sr.
Vestuario	Deborah Nadoolman
Maquillache	Enrico A. Cortese Jack Engel Jay Cannistraci
Peluquería	Frank Bianco
Efectos especials	Andy Perillo
Casting	Bonnie Timmermann
Actors	Dan Aykroyd Eddie Murphy Ralph Bellamy Don Ameche Denholm Elliott Jamie Lee Curtis Kristin Holby Paul Gleason
Color	Technicolor Metrocolor
Datos y cifras
País(es)	Estaus Unius
Anyo	1983
Debantadera	7 de chunio de 1983 Estaus Unius^[1]
Chenero(s)	Cine de comedia
Durada	116 min.
Idioma(s)	Anglés
Companyías
Productora(s)	Paramount Pictures Cinema Group Ventures
Distribución	Paramount Pictures
Presupuesto	15 millons de dólars
Recauto	120,6 millons de dólars
Informacions en bases de datos especializadas:

Trading Places (títol orichinal en anglés, en aragonés Parquet de valors, enguerada en Aragón con o títol en castellano d'Entre pillos anda el juego, en aragonés Entre archols se fa lo chuego) ye una cinta de cine estausunidense de cine de comedia de l'anyo 1983 dirichida por John Landis seguntes un guión orichinal de Timothy Harris y Herschel Weingrod, con una banda sonora orichinal d'Elmer Bernstein, una dirección de fotografía de Robert Paynter y una producción cinematografica d'Aaron Russo ta las productoras Paramount Pictures y Cinema Group Ventures. Fn parte de l'elenco d'actors d'a cinta, en os suyos papels principals, Dan Aykroyd, Eddie Murphy, Ralph Bellamy, Don Ameche, Denholm Elliott, Jamie Lee Curtis, Kristin Holby y Paul Gleason.

Randolph y Mortimer Duke son dos chirmans bien cabaleros, propietarios d'una empresa adedicada a lo corretache de materias primas de Philadelphia. En a suya empresa i treballa Louis Winthorpe III, d'una antiga y distinguida familia, como director cheneral, estando amás o novio d'una sobrina nieta d'os dos chirmans, Penelope Witherspoon. Por a redolada circula tamién Billy Ray Valentine, un negro adedicau a chicoz emplumes, y cuan troba a Winthorpe, iste creye que l'ha robau , lo denuncia y lo detiene la Policía. Alavez os dos chirmans fan entre éls, como gosan fer siempre, una apuesta en cambiando las vidas d'xas dos personas completament oposadas en a hierarchía social: fan que Clarence Beeks, un d'os suyos emplegaus, acuse a Winthorpe de ladrón y narcotraficant y dimpués li dan comiat d'o treballo; a la vegada, os chirmans pagan a fianza de Valentine ta que marcha d'a garchola y li ufren a casa y lo treballo que dica l'inte teneba Winthorpe. Iste zaguero nomás troba que l'aduya d'una prostituta, Ophelia, qui l'aduya a cambio d'a promesa d'una recompensa economica cuan recupere la suya vida, y prencipia a investigar qué puet haber escaiciu. Simultaniament, Valentine descubre que en aplicar as suyas conoixencias d'a vida en as carreras a lo negocio, se converte en un exitoso "broker". Pero bien luego los dos chirmans saldan a suya apuesta y ya no veyen necesario conservar a Valentine, pero tampoco creyen que lis intrese recuperar a Winthorpe; lo problema ye que Valentine los ha escuitau, y decide buscar a Winthorpe ta que toz dos, chuntos, consigan que l'uno recupere la suya vida y que l'atro la mantenga y amás fer fuera d'o negocio d'as materias primas a los dos chirmans. En ixa labor troban l'aduya no nomás d'Ophelia so que tamién de Coleman, o mozo mayor d'a cada a on i viviba Winthorpe y a on agora i vive Valentine. Bien luego descubren que los dos chirmans Duke fundamentan una parte important d'o suyo exito en o soborno d'un funcionario publico d'o Departamento d'Agricultura d'os Estaus Unius que transporta información sobre l'estau d'as collitas, y preparan o suyo plan, emplegando-ne los cabidons de Coleman y Ophelia ta financiar a suya venganza.