Tovalleta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una tovalleta u tovallota (tamién dita sarvilleta) ye una pieza cuadrada de teixiu, a sobén a chuego con o mantel, que s'emplega en a mesa ta ixugar-se os labios y as mans. Modernament existen tamién tovalletas de papel, que no se limpian sino que se chitan a la vasuera dimpués de cada uso. Istas zagueras son habituals en restaurants economicos, locals de birolla rapida y tabiernas, a mas d'estar cada vegada mas frecuents en muitas casas.

Tovalleta en una mesa, enrollada.

Tovalleta doblada.

Tovalletas usadas como tapet.

Especialment as de tela se pueden doblar de maneras mas u menos sofisticadas ta decorar a mesa antis de chentar. A vegadas, cada persona usa siempre a mesma tovalleta, que puet estar personalizada directament, por eixemplo con o nombre bordau u un dibuixo u estampau diferent, u bien por meyo de tovalleters, que son una mena de pulseras ta tovalletas, que pueden estar diferents ta cada persona u no. En cualsiquier caso sirven tamién como element decorativo.

As tovalletas de papel s'usan a vegadas tamién ta embolicar conos de chelau u entropans.

Historia

L'uso d'a tovalleta ye mas antigo que o d'a forqueta, como minimo en a Corona d'Aragón, a on se remonta a o menos a la epoca medieval. Francesc Eiximenis explica que usar a tovalleta ye una muit buena costumbre. En a Edat Meya o pueblo y os sinyors minchaban en cadieras u bancos en una sola cara d'una mesa alargada montada sobre caballez con un mantel. As personas podeban tener tovalletas individuals.

Se veiga tamién

• Tovalleta de papel.

Vinclos externos

• Se veigan as imáchens de Commons sobre Tovalleta.

• Datos: Q848532
• Multimedia: Napkins / Q848532