The Spy Next Door
The Spy Next Door (títol orichinal en anglés, en aragonés L'espía d'a puerta d'a lau, enguerada en Aragón con o títol en castellano d'El supercanguro, en aragonés O superhorrero) ye una cinta de cine estausunidense de l'anyo 2010 de cine de comedia d'acción d'espionache dirichida por Brian Levant seguntes un guión adaptau por Jonathan Bernstein, James Greer y Gregory Poirier (basau en una historia de Jonathan Bernstein y James Greer), con una banda sonora orichinal de David Newman, una dirección de fotografía de Dean Cundey y una producción cinematografica a'l cudiau de Robert Simonds ta las productoras Relativity Media y Robert Simonds Productions. Forman parte de l'elenco d'a cinta, entre d'atros, os actors Jackie Chan, Amber Valletta, Magnús Scheving, Madeline Carroll, Will Shadley, Alina Foley, Billy Ray Cyrus, George Lopez, Lucas Till, Katherine Boecher, Tim Connolly, Troy Brenna, Jeff Chase, Mark Kubr y David Mattey.
Bob Ho ye un espía que treballaba ta China pero cediu a la Central Intelligence Agency estausunidense como acent encubierto que, dimpués de capturar a lo terrorista ruso Anton Poldark decide retirar-se ta fer a suya voda con su novia d'anyos, Gillian. Ista vive literalment en a puerta d'a lau d'a suya casa y cuan ha de marchar a visitar a su pai ingresauen un hespital en Colorado, dixa los suyos tres fillos a'l cudiau de Bob como horrero d'éls. En no conoixer as actividaz de Bob y creyer-lo un simple importador de boligrafos (a suya tapadera), lo desbantan y li fan a vida imposible. Bien luego l'informan de que lo terrorista ruso ha fuyiu d'a garchola, que ye treballando en una bacteria que mincha hidrocarburos y li ninvían un correu con informacions. Alavez o fillo de Gillian confunde l'archivo que li han ninviau con un archivo d'u concierto d'un grupo musical y lo descarga, sin que Bob sía conscient que li han ninviau cosa. Cuan o terroista descubre ixe ninvío, decide recuperar l'archivo.
The Spy Next Door s'ambienta en a suya epoca actual (2010) en os Estaus Unius y las escenas d'a cinta se filmoron en Albuquerque y atras localidaz de Nuevo Mexico y en San Diego (California).[2]
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
- (en) The Spy Next Door en Internet Movie Database.
- (en) The Spy Next Door en AllMovie.
- (en) The Spy Next Door en Rotten Tomatoes.
- (en) The Spy Next Door en Metacritic.
- (en) The Spy Next Door en Box Offic Mojo.
- (es) The Spy Next Door en FilmAffinity.
- (fr) The Spy Next Door en Allociné.
- (en) The Spy Next Door en TCM Movie Database.
- (en) The Spy Next Door en Netflix.
- (en) The Spy Next Door en Letterboxd.
- (en) The Spy Next Door en l'American Film Institute Catalog de l'American Film Institute.