The Notebook
The Notebook (títol orichinal en anglés, en aragonés O diario, enguerada en Aragón con o títol en castellano de El diario de Noa, en aragonés O diario de Noa) ye una cinta de l'anyo 2004 de cine de drama romantico de cine estausunidense dirichida por Nick Cassavetes seguntes un guión adaptau por Jan Sardi basau en un guión de Jeremy Leven que a la vegada ye basau en The Notebook, una novela publicada por Nicholas Sparks en 1996. A suya banda sonora orichinal ye un treballo d'Aaron Zigman, estando la suya dirección de fotografía obra de Robert Fraisse. La suya producción cinematografica ye al cudiau de Mark Johnson y Lynn Harris ta la productora cinematografica Gran Via, estando l'elenco d'actors d'a cinta formau, en os suyos papels principals, por Ryan Gosling, James Garner, Rachel McAdams, Gena Rowlands, Joan Allen, James Marsden, Jamie Brown, Sam Shepard, David Thornton, Kevin Connolly, Heather Wahlquist, Ed Grady, Obba Babatunde y Starletta DuPois.
En a cinta se conta cómo Duke, que vive en una residencia, li leye cada día a una muller con demencia senil o mesmo libro, a on se conta la historia de Noah Calhoun y Allie Hamilton, dos chóvens enamoraus en os anyos 1940 encara que bi ha una gran diferencia social entre éls, en estar Allie una filla de 17 anyadas d'una cabalera familia que se troba de vacanzas y Noah un treballador d'una carpintería local; nomás a lo final d'a cinta se descubre que qui ye leyendo lo libro ye o propio Noah y que la muller con demencia senil ye Allie, y que lo que ye leyendo ye la suya propia historia d'amor. A cinta s'ambienta en os anyos 1940 en Carolina d'o Sud y en bel puesto indeterminau d'Estaus Unius en epoca actual d'a cinta (2004) y las suyas escenas se filmoron en Charleston y bellas atras localidaz de Carolina d'o Sud, en Los Angeles (California) y en Mont-reyal en Québec (Canadá). Ye una cinta con cuantos premios y nominacions, encara que garra d'éls no ye d'os premios cinematograficos destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 (en) Enguero de The Notebook en Internet Movie Database.
- ↑ (en) The Notebook en Internet Movie Database.
Vinclos externos
editar- (en) The Notebook en Internet Movie Database.
- (en) The Notebook en Box Office Mojo.
- (en) The Notebook en Rotten Tomatoes.
- (en) The Notebook en Metacritic.
- (es) The Notebook en FilmAffinity.
- (fr) The Notebook en Allociné.
- (en) The Notebook en Letterboxd.
- (en) The Notebook en AllMovie.
- (en) The Notebook en TCM Movie Database.
- (en) The Notebook en en l'American Film Institute Catalog de l'American Film Institute.
- (en) The Notebook en Netflix.
Datos: Q223374
