The Legend of Zelda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The Legend of Zelda ye una serie de videochuegos d'acción-aventura creyada por os disenyadors chaponeses Shigeru Miyamoto y Takashi Tezuka,​ y desembolicada por Nintendo, interpresa que tamién s'encarga d'a suya distribución internacional. A suya trama por lo cheneral describe as heroicas aventuras d'o choven guerrero clamau Link, que debe enfrontinar-se a periglos y retaliniar devinetas pa aduyar a la Princesa Zelda a redotar a Ganondorf y salvar o suyo fogar, o reino de Hyrule.

The Legend of Zelda.

A partir d'o lanzamiento d'o primer chuego en 1986, The Legend of Zelda ha aconseguiu una notable popularidat acompanyada de criticas favorables en a industria d'os videochuegos, traducidas en un quantioso exito comercial a livel internacional. Dica abril de 2020 se calculan mas de 113 millons de copias vendidas d'os suyos chuegos.