The Hobbit: The Battle of the Five Armies

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The Hobbit: The Battle of the Five Armies
Erebor, a montanya solitaria.
Ficha tecnica
Dirección	Peter Jackson
Producción	Carolynne Cunningham Zane Weiner Fran Walsh Peter Jackson
Guión	Peter Jackson Fran Walsh Philippa Boyens Guillermo del Toro
Musica	Howard Shore
Fotografía	Andrew Lesnie
Montache	Jabez Olssen
Actors	Ian McKellen Martin Freeman Richard Armitage Evangeline Lilly Lee Pace Luke Evans Benedict Cumberbatch Ken Stott James Nesbitt Cate Blanchett Ian Holm Christopher Lee Hugo Weaving Orlando Bloom
Datos y cifras
País(es)	Nueva Zelanda Estaus Unius
Anyo	2014
Chenero(s)	Cine de fantasía Cine d'aventuras Cine epico
Durada	144 min.
Idioma(s)	Anglés
Companyías
Productora(s)	New Line Cinema Metro-Goldwyn-Mayer WingNut Films
Distribución	Warner Bros. Pictures
Presupuesto	250–300 millions de dólars
Informacions en bases de datos especializadas:

The Hobbit: The Battle of the Five Armies (títol orichinal en anglés, enguerada en Aragón con o títol en castellano El hobbit: la batalla de los Cinco Ejércitos) ye una cinta de cine estausunidense de cine d'aventuras de fantasía epica de l'anyo 2014, dirichida por Peter Jackson y producida por Carolynne Cunningham, Zane Weiner, Fran Walsh, Peter Jackson con guión de Peter Jackson, Fran Walsh, Philippa Boyens y Guillermo del Toro, protagonizada por Ian McKellen, Martin Freeman, Richard Armitage, Evangeline Lilly, Lee Pace, Luke Evans, Benedict Cumberbatch, Ken Stott, James Nesbitt, Cate Blanchett, Ian Holm, Christopher Lee, Hugo Weaving y Orlando Bloom.

Reparto

• Martin Freeman como Bilbo Baggins.
• Ian McKellen como Gandalf lo Griso.
• Richard Armitage como Thorin Oakenshield II.
• Ken Stott como Balin.
• Graham McTavish como Dwalin.
• Aidan Turner como Kíli.
• Dean O'Gorman como Fíli.
• Mark Hadlow como Dori.
• Jed Brophy como Nori.
• Adam Brown como Ori.
• John Callen como Óin.
• Peter Hambleton como Glóin.
• William Kircher como Bifur.
• James Nesbitt como Bofur.
• Stephen Hunter como Bombur.
• Cate Blanchett como Galadriel.
• Hugo Weaving como Elrond.
• Christopher Lee como Saruman lo Blanco.
• Sylvester McCoy como Radagast lo Pardo.
• Andy Serkis como Gollum.
• Manu Bennett como Azog.
• Conan Stevens como Bolg, fillo d'Azog.
• Bret McKenzie como Lindir.
• Jeffrey Thomas como Thrór.
• Stephen Ure como Fimbul.
• Michael Mizrahi como Thráin II.
• Benedict Cumberbatch como la voz d'o dragón Smaug y como lo nigromant.
• Evangeline Lilly como Tauriel.
• Luke Evans como Bard l'Arquero.
• Lee Pace como Thranduil.
• Stephen Fry como lo gubernaire d'Esgaroth.
• Orlando Bloom como Legolas.

Argumento

Bilbo Baggins y la resta d'a companyía de Thorin contemplan dende Erebor como Smaug destruye a Ciudat d'o Laco, en venganza per o suyo intento de matar-le en a cinta anterior. Bardo l'Arquero aconsigue fuyir d'a celda en a que yera encletau, recupera a Sayeta Negra con l'aduya d'o suyo fillo Bain y la fa servir pa matar a Smaug. Lo cuerpo de Smaug caye dencima d'a barca d'o Gubernaire d'a ciudat, qui egoístament pretendeba fuyir d'a ciudat de conchunta con con as suyas riquezas. Convertiu en o nuevo lider d'os supervivients d'a Ciudat d'o Laco, Bardo decide buscar cubillar en as ruinas de Dale, mientres Legolas y Tauriel se disposan a viachar a lo Mont Gundabad pa investigar sobre las recients accions d'os orcos. En Erebor, Thorin ha cayiu preso d'o "mal d'o dragón" en haber recuperau lo reino y lo suyo tresoro, y ye de tot encenegau con trobar a Piedra de l'Arca, que se troba en poder de Bilbo, pero l'hobbit no s'atrive a dar-le per temor a que a suya 'malotía' empiore. En enterar-se de que os supervivients de l'ataque de Smaug han plegau a la ciudat de Dale, Thorin ordena siellar a dentrada d'Erebor.

En Dol Guldur, Gandalf se troba preso de Sauron, pero Saruman, Elrond, Galadriel y Radagast acuden en a suya aduya. Radagast se leva d'allí a Gandalf mientres Elrond, Saruman y Galadriel luitan contra os Nazgûl, posteriorment s'enfrontinan a Sauron y Galadriel aconsigue fer-le fuyir d'a fortaleza. Mientres tanto, l'exercito d'orcos enfilau per Azog o Profanador s'endreza a Erebor pa prener-la. En Gundabad, Legolas y Tauriel son testigos de cómo Bolgo, per orden d'Azog, convoca a lo suyo exercito de goblins y murziacalos pa que aduyen en a conquiesta d'Erebor.

Un exercito d'elfos liderau per Thranduil amaneix en Dale y Thranduil le revela a Bardo que tien pensau atacar Erebor y reclamar unas alfayas elficas que o rei Thror en o suyo inte les arrambló y que se troban entre lo tresoro d'a Montanya. En alianza con Thranduil, Bardo acude a Erebor y tracta de razonar con Thorin pa que cumpla a suya promesa d'entregar una parti d'o tresoro a la chent d'a Ciudat d'o Laco, pero Thorin se niega. Posteriorment, Gandalf amaneix en Dale y tracta d'advertir a Bardo y Thranduil de l'ataque d'Azog, pero Thranduil no le creye. Bilbo sale a amagatons d'Erebor y les entrega a Piedra de l'Arca a Bardo y Thranduil con l'intención de que la usen pa obligar a Thorin a negociar y asinas privar una guerra. Cuan Bardo y Thranduil se presentan en Erebor de conchunta con os suyos respectivos exercitos y le amuestran a Thorin que tienen a Piedra de l'Arca, Thorin plega a creyer que ye una farsa, dica que Bilbo le revela que se la entregó él y le reprene per haber-se deixau levar per l'angluzia dica o punto de malfiar d'os suyos amigos. Veyendo isto como una traiduría, Thorin s'encarranya y tracta de matar a Bilbo, pero Gandalf interviene y avergonya a Thorin pa que deix ir a l'hobbit. A plegada d'un exercito de nanos d'os Pueyos de Fierro liderau per Dáin "Piet de Fierro" (primo de Thorin) fa que a batalla entre nanos, hombres y elfos pareixca imminent, pero son interrumpius cuan Devoradors d'a Tierra emerchen dende o solero, ubrindo mas o paso a lo recientment plegau exercito d'Azog. Con os orcos superando en numero a l'exercito de Dáin, os exercitos de Bardo y Thranduil s'unen a la batalla, de conchunta con Gandalf y Bilbo. Os orcos tamién atacan Dale.

Dentro d'Erebor, Thorin sufre alucinacions traumaticas, pa dimpués recuperar a cordura y liderar a los suyos companyers nanos a la batalla. Thorin, Dwalin, Fili y Kili cabalgan a lo Pueyo d'o Cuervo con l'intención de matar l'Azog; Bilbo les sigue fendo servir l'Aniello Unico. Legolas y Tauriel plegan pa advertir d'a plegada de Bolgo. Fili ye capturau y asasinau per Azog debant de Thorin, Bilbo, Dwalin y Kili. Mientres Thorin y Azog luitan a muerte, Bolgo deixa inconscient a Bilbo, redota a Tauriel y mata a Kili, que i heba acudiu en aduya d'a elfa. Legolas luita contra Bolgo y finalment aconsigue matar-lo. Thorin per a suya parti aconsigue matar a Azog, pero él tamién queda mortalment feriu mientres a luita. As Alicas acuden a la batalla de conchunta con Radagast y Beorn y aduyan a redotar a los orcos y os goblins. Finalizada a batalla, Bilbo torna en él y fa as paces con un moribundo Thorin qui le diz que si as personas se consideraran mas asinas mesmas sobre l'oro lo mundo sería un puesto mas feliz. Finalment sucumbe a las suyas feridas y muere en os brazos d'un esconortau Bilbo. Legolas le diz a lo suyo pai que no deseya tornar a lo reino d'a Selva, y Thranduil le consella que vaiga a lo norte pa reunir-se con un montesín conoixiu como "Garradas". Dimpués, Tauriel conversa con Thranduil le pregunta per qué siente tanto dolor y él diz que perque l'amor que sentiba per Kili yera verdadero.

Posteriorment, Bilbo se despide d'a resta d'a Companyía y de conchunta con Gandalf encomenza o viache de tornada ent'a Comarca. Amán d'a Comarca, Gandalf se despide de Bilbo y le fa saber que ye conscient de que leva un aniello machico. Bilbo se va recordando a Thorin no nomás como una leyenda sino como lo suyo amigo. Bilbo torna a Hobbiton nomás pa veyer que ha estau dau per muerto a resultas d'a suya larga ausencia y as suyas pertenencias son estando releadas. Bilbo resuelve l'embolico, pero troba a suya casa vueda.

60 anyos mas tardi, un Bilbo de 111 anyadas d'edat recibe a visita de Gandalf, metendo asinas en marcha os esdevenimientos d'a Comunidat de l'Aniello.

Se veiga tamién

• Cine en 2014.
• Cintas de 2014.

Referencias

• Datos: Q919649
• Multimedia: The Hobbit: The Battle of the Five Armies / Q919649