The Help (cinta)
- Iste articlo ye sobre una cinta dramatica estausunidense de l'anyo 2011; ta atros usos, se veiga The Help.
The Help (títol orichinal en anglés, en aragonés L'aduya, enguerada en Aragón con o títol en castellano de Criadas y señoras, en aragonés Criacasas y sinyoras) ye una cinta de cine estausunidense de cine de drama enguerada l'anyo 2011, dirichida por Tate Taylor seguntes un guión adaptau por él mesmo, basau en a novela The Help, que heba publicau Kathryn Stockett en l'anyo 2009. Conta con una banda sonora orichinal de Thomas Newman, una dirección de fotografía de Stephen Goldblatt y una producción cinematografica de Chris Columbus, Michael Barnathan y Brunson Green ta las productoras DreamWorks Pictures, Reliance Entertainment, Participant Media, Image Nation, 1492 Pictures y Harbinger Pictures. De l'elenco d'a cinta en fan parte, entre d'atros actors, Emma Stone, Viola Davis, Bryce Dallas Howard, Octavia Spencer, Jessica Chastain, Allison Janney, Chris Lowell, Ahna O'Reilly, Sissy Spacek, Mary Steenburgen, Cicely Tyson, Mike Vogel, Anna Camp, La Chanze, Wes Chatham, Aunjanue Ellis, Nelsan Ellis, Dana Ivey, Ashley Johnson, Leslie Jordan y Brian Kerwin.
O títol d'a cinta fa referencia a lo nombre que se lis daba a las criacasas negras, helps. A protagonista d'a cinta ye Eugenia "Skeeter" Phelan, una choven de Jackson (Mississippi) que aspira a convertir-se en escritora y periodista. Eugenia redacta una columna en un diario local. Encara que en l'anyo 1963, cuan s'ambienta la cinta, l'estau de Mississippi se trobaba en bel meyo de greus disturbios racials, Eugenia decide escribir un libro a on explica historias que li conta una criacasa negra. Poquet a poquet prencipia a contactar con mas criacasas, que cada vegada li explican mas y mas historias enriqueixendo lo libro, encara que cal disvrazar-las ta que no se reconoixca que las historias que conta son d'os suyos vecins. Finalment, se publica lo libro. Paralelament, a cinta conta las historias paralelas d'as familias blancas y las suyas relacions con as suyas criacasas respectivas y entre ellas mesmas.
A cinta s'ambienta en a localidat de Jackson (Mississippi) en 1963 y las suyas escenas se filmoron en Clarksdale, Greenwood y Jackson, todas ellas localidaz de Mississippi.[2]
Se tracta d'una cinta que ha recibiu cuantismos premios y nominacions, en destacando un Premio Oscar a la Millor Actriz Segundaria y tres nominacions (Millor Cinta, Millor Actriz Segundaria y Millor Actriz) en a suya 84ena edición; un Premio BAFTA a la Millor Actriz Segundaria y cuatre nominacions (Millor Cinta, Millor Actriz, Millor Actriz Segundaria y Millor Guión Adaptau) en a suya 65ena edición; y un Globo d'Oro a la Millor Actriz Segundaria y cuatre nominacions (Millor Cinta Dramatica, Millor Actriz Dramatica, Millor Actriz Segundaria y Millor Canción Orichinal) en a suya 69ena edición.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 1,2 (en) Enguero de The Help en Internet Movie Database.
- ↑ (en) Localizacions de The Help en Internet Movie Database.
- ↑ (en) The Help en Internet Movie Database.
Vinclos externos
editar- (en) The Help en Internet Movie Database.
- (en) The Help en AllMovie.
- (en) The Help en Box Office Mojo.
- (en) The Help en Rotten Tomatoes.
Datos: Q204374
Multimedia: The Help (film) / Q204374
